തിരൂരങ്ങാടി: ദേശീയപാത തലപ്പാറ വലിയപറമ്പില് നിര്ത്തിയിട്ട ലോറിക്ക് പിന്നില് കാറിടിച്ച് രണ്ടു ദര്സ് വിദ്യാര്ഥികള് മരിച്ചു.
വൈലത്തൂര് സ്വദേശി ഉസ്മാന് (24), വള്ളിക്കുന്ന് സ്വദേശി ശാഹുല് ഹമീദ് (23) എന്നിവരാണ് മരിച്ചത്. താനൂര് പുത്തന് തെരു സ്വദേശി അബ്ബാസ് (25), വേങ്ങര സ്വദേശി ഫഹദ് (24), താനൂര് സ്വദേശി സര്ജാസ് (24) എന്നിവര്ക്കാണ് പരിക്കേറ്റത്.
എല്ലാവരും തിരൂര് തലക്കടത്തൂര് ജുമുഅത്ത് പള്ളിയിലെ ദര്സ് വിദ്യാര്ഥികളാണ്.
കൊളപ്പുറം ഭാഗത്തുനിന്നും കോഴിക്കോട് ഭാഗത്തേക്ക് പോവുകയായിരുന്ന കാര് നിര്ത്തിയിട്ട ലോറിക്ക് പിന്നില് ഇടിക്കുകയായിരുന്നുവെന്ന് ദൃക്സാക്ഷികള് പറഞ്ഞു. ഉസ്മാന് സംഭവ സ്ഥലത്തും ശാഹുല് ഹമീദ് തിരൂരങ്ങാടി എം കെ എച്ച് ആശുപത്രിയിലുമാണ് മരിച്ചത്.
