ദോഹ: യു എസ് വിസ അപ്പോയിന്റ്മെന്റുകള്‍, പേയ്മെന്റുകള്‍, കൊറിയര്‍ സേവനങ്ങള്‍ എന്നിവയ്ക്കായി ഫെബ്രുവരി 8 മുതല്‍ പ്രാബല്യത്തില്‍ വരുന്ന പുതിയ സംവിധാനം നടപ്പിലാക്കുന്നതായി ദോഹയിലെ യു എസ് എംബസി പ്രഖ്യാപിച്ചു.
കോണ്‍സുലാര്‍ സേവനങ്ങളുടെ കാര്യക്ഷമതയും ഉപയോക്തൃ അനുഭവവും വര്‍ധിപ്പിക്കുന്നതിനുള്ള എംബസിയുടെ തുടര്‍ച്ചയായ പ്രതിബദ്ധതയുടെ ഭാഗമാണ് ഈ അപ്ഡേറ്റ്.
പരിവര്‍ത്തനം സുഗമമാക്കുന്നതിന്, അപ്ഡേറ്റ് കാലയളവില്‍ ചില സേവനങ്ങള്‍ താല്‍ക്കാലികമായി ലഭ്യമാകില്ല:
വിസ അപ്പോയിന്റ്മെന്റ് ഷെഡ്യൂളിംഗ് വെബ്സൈറ്റ്: ഫെബ്രുവരി 5 മുതല്‍ 7 വരെ ലഭ്യമല്ല. നിലവിലുള്ള അപ്പോയിന്റ്മെന്റുകള്‍ ഷെഡ്യൂള്‍ ചെയ്തതുപോലെ തുടരും.
ഫീസ് പേയ്മെന്റ് സേവനങ്ങള്‍: ഫെബ്രുവരി 4 മുതല്‍ 7 വരെ ലഭ്യമല്ല.
കോള്‍ സെന്റര്‍ സേവനങ്ങള്‍: ഫെബ്രുവരി 5 മുതല്‍ 8 വരെ ലഭ്യമല്ല.
പാസ്പോര്‍ട്ടും ഡോക്യുമെന്റ് ഡ്രോപ്പ്-ഓഫ്/ പിക്ക്-അപ്പ്: ഫെബ്രുവരി 5 മുതല്‍ 8 വരെ ലഭ്യമല്ല.
ഫെബ്രുവരി 9 മുതല്‍ പുതിയ സ്ഥലങ്ങളില്‍ വിഎഫ്എസ് വഴി സേവനങ്ങള്‍ പുന:രാരംഭിക്കും. പുതിയ സ്ഥലങ്ങളെക്കുറിച്ചുള്ള വിശദാംശങ്ങള്‍ക്ക്, https://qa.usembassy.gov/visas/ സന്ദര്‍ശിക്കുക.
പുതിയ വിസ ഷെഡ്യൂളിംഗ് സംവിധാനം ഫെബ്രുവരി 9 മുതല്‍ പ്രവര്‍ത്തനക്ഷമമാകും. https://qa.usembassy.gov/visas/ എന്ന വിലാസത്തില്‍ ഇത് ആക്സസ് ചെയ്യാവുന്നതാണ്.
