ദോഹ: ലോകമെമ്പാടുമുള്ള മലയാളികള് നെഞ്ചേറ്റിയ മലയാളം പോഡ്കാസ്റ്റായ ഡോ. അമാനുല്ല വടക്കാങ്ങരയുടെ വിജയമന്ത്രങ്ങള് അഞ്ഞൂറ് എപ്പിസോഡുകള് പൂര്ത്തിയാക്കിയതിന്റെ ആഘോഷം ഖത്തറിലെ സാമൂഹ്യ സാംസ്കാരിക വാണിജ്യ മേഖലകളിലെ പ്രമുഖരുടെ സാന്നിധ്യത്തില് റേഡിയോ മലയാളം സ്റ്റുഡിയോയില് നടന്നു.
റേഡിയോ മലയാളം സി ഇ ഒ അന്വര് ഹുസൈന് നല്കി മുതിര്ന്ന മാധ്യമ പ്രവര്ത്തകന് സത്യേന്ദ്ര പഥക് വിജയമന്ത്രങ്ങള് അഞ്ഞൂറിന്റെ നിറവില് പോസ്റ്റര് റിലീസ് ചെയ്തതോടെയാണ് ആഘോഷങ്ങള്ക്ക് തുടക്കമായത്.
ഐ സി സി ജനറല് സെക്രട്ടറി അബ്രഹാം ജോസഫ്, കെ ബി എഫ് പ്രസിഡണ്ട് ഷഹീന് മുഹമ്മദ് ഷാഫി, ലോക കേരള സഭ അംഗം അബ്ദുല് റഊഫ് കൊണ്ടോട്ടി, സെപ്രോടെക് സി ഇ ഒ ജോസ്ഫിലിപ്പ്, ദോഹ ബ്യൂട്ടി സെന്റര് മാനേജിംഗ് ഡയറക്ടര് ഡോ. ഷീല ഫിലിപ്പോസ്, ന്യൂ ഗുഡ് വില് കാര്ഗോ മാനേജിംഗ് ഡയറക്ടര് മുഹമ്മദ് നൗഷാദ് അബു, ഖത്തര് ടെക് മാനേജിംഗ് ഡയറക്ടര് ജെബി കെ ജോണ്, ദ വേ കോര്പറേറ്റ് സര്വീസസ് സി ഇ ഒ ഉവൈസ് ഉസ്മാന്, ജി ആര് സി സി അധ്യക്ഷ രോഷ്നി കൃഷ്ണന്, മാപ്പിള കലാ അക്കാദമി ചെയര്മാന് മുഹ്സിന് തളിക്കുളം, കവയിത്രിയും ഗായികയുമായ ഷെറിന് പൊയ്ലി, സാമൂഹ്യ പ്രവര്ത്തകന് സിദ്ദീഖ് ചെറുവല്ലൂര്, അഹ്മദ് അല് മഗ്രിബി പെര്ഫ്യൂം മാര്ക്കറ്റിംഗ് മാനേജര് സെയ്ഫ് അല് ഹാഷ്മി, അവതാരകന് റാഫി പാറക്കാട്ടില്, ജാസ്മിന്, മുംതാസ് എന്നിവര് സംസാരിച്ചു.
ഡോ.അമാനുല്ല വടക്കാങ്ങര സ്വാഗതവും മുഹമ്മദ് റഫീഖ് തങ്കയത്തില് നന്ദിയും പറഞ്ഞു. ആര് ജെ സൂരജായിരുന്നു പരിപാടിയുടെ അവതാരകന്.
