ദോഹ: രീതികളെ മാറ്റങ്ങളും പുതിയ സായാഹ്ന ക്ലിനിക്കുകളുടെ ആരംഭവും ഹമദ് മെഡിക്കല് കോര്പ്പറേഷനില് രോഗികള്ക്ക് കാത്തിരിപ്പ് സമയത്തില് കുറവ് വരുത്തി. പരിശോധിക്കുന്ന രോഗികളുടെ എണ്ണം വര്ധിച്ചതിനോടൊപ്പം ശരാശരി കാത്തിരിപ്പ് സമയം കുറവുമായി.
ആറ് സ്പെഷ്യാലിറ്റികളില് സായാഹ്ന ക്ലിനിക്കുകള് ആരംഭിച്ച് ഏകദേശം ഒരു വര്ഷത്തിനുള്ളില് ഈ സ്പെഷ്യാലിറ്റികളിലേക്ക് റഫറല് ചെയ്ത് രണ്ടാഴ്ചയ്ക്കുള്ളില് 12.7 ശതമാനം കൂടുതല് രോഗികളെ ചികിത്സിക്കാനായി. 2023 മെയ് മാസത്തില് ക്ലിനിക്കുകള് ആരംഭിച്ചത് മുതല് റഫറലിനുശേഷം ഒരു ഡോക്ടറെ കാണാനുള്ള രോഗികളുടെ കാത്തിരിപ്പ് സമയം 15 ശതമാനം കുറവാണ്.
സായാഹ്ന നേത്രചികിത്സ, ഇ എന് ടി, യൂറോളജി, ഓഡിയോളജി ക്ലിനിക്കുകള് എന്നിവ ആംബുലേറ്ററി കെയര് സെന്ററില് പ്രവര്ത്തിക്കുന്നു. ഏകദേശം 22 ഓര്ത്തോപീഡിക് സായാഹ്ന ക്ലിനിക്കുകള് ബോണ് ആന്ഡ് ജോയിന്റ് സെന്ററിലും ബാരിയാട്രിക് സായാഹ്ന ക്ലിനിക്കുകള് ഹമദ് ജനറല് ആശുപത്രിയിലുമാണ്.
