അലി പള്ളിയത്ത് നിര്യാതനായി

ദോഹ: ഖത്തറില്‍ ബിസിനസുകാരനും കെ എം സി സി യുടെ മുന്‍ ട്രഷററുമായിരുന്ന അലി പള്ളിയത്ത് (പള്ളിയത്ത് കുഞ്ഞായി പാറകുളങ്ങര- 57) നാട്ടില്‍ നിര്യാതനായി. ഹൃദയാഘാതമാണ് മരണകാരണം.

കോഴിക്കോട് പേരാമ്പ്ര സ്വദേശിയായ അദ്ദേഹം ഖത്തറില്‍ ഫസ്റ്റ് റെന്റ് എ കാര്‍, ഫാല്‍ക്കണ്‍ ബിസിനസ് ഗ്രൂപ്പ് തുടങ്ങിയവ നടത്തിയിരുന്നു. ഖത്തറില്‍ ജീവകാരുണ്യ പ്രവര്‍ത്തന മേഖലയില്‍ സജീവമായിരുന്ന അദ്ദേഹം ഖത്തര്‍ കെ എം സി സി മയ്യിത്ത് പരിപാലന കമ്മിറ്റി ചെയര്‍മാനായിരുന്നു. ഏതാനും വര്‍ഷങ്ങള്‍ക്കു മുമ്പാണ് അദ്ദേഹം നാട്ടിലേക്ക് മടങ്ങിയത്.