ടെഹ്റാന്‍: ഇറാന്‍ പരമോന്നത നേതാവ് അലി ഖമേനിയുമായി അമീര്‍ ശൈഖ് തമീം ബിന്‍ ഹമദ് അല്‍ താനി ടെഹ്റാനിലെ മകാം റഹ്ബ്രിയില്‍ കൂടിക്കാഴ്ച നടത്തി.
ഇരു രാജ്യങ്ങളും തമ്മിലുള്ള സഹകരണത്തിന്റെയും സൗഹൃദത്തിന്റെയും നിലവിലുള്ള ബന്ധങ്ങളെക്കുറിച്ചും പൊതുവായ ആശങ്കയുള്ള നിരവധി പ്രാദേശിക, അന്തര്‍ദേശീയ വിഷയങ്ങളെക്കുറിച്ചും ചര്‍ച്ച ചെയ്തു.
ഇറാന്‍ ഇസ്ലാമിക് റിപ്പബ്ലിക് പ്രസിഡന്റ് ഡോ. മസൂദ് പെഷേഷ്‌കിയാന്‍ യോഗത്തില്‍ പങ്കെടുത്തു.
പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന്‍ അബ്ദുല്‍റഹ്മാന്‍ ബിന്‍ ജാസിം അല്‍ താനിയും അമീറിനൊപ്പമുള്ള ഔദ്യോഗിക പ്രതിനിധി സംഘത്തിലെ നിരവധി അംഗങ്ങളും യോഗത്തില്‍ പങ്കെടുത്തു. ഇറാനിയന്‍ ഭാഗത്ത്, നിരവധി മന്ത്രിമാരും മുതിര്‍ന്ന ഉദ്യോഗസ്ഥരും പങ്കെടുത്തു.
