താഷ്കന്റ്: ശൂറ കൗണ്സില് സ്പീക്കര് ഹസന് ബിന് അബ്ദുല്ല അല് ഗാനിം ഈജിപ്തിന്റെ പ്രതിനിധി സഭയുടെ സ്പീക്കര് ഹനഫി എല് ഗെബാലി, താജിക്കിസ്ഥാന്റെ പ്രതിനിധി സഭയുടെ സ്പീക്കര് ഫൈസാലി ഇഡിസോഡ എന്നിവരുമായി കൂടിക്കാഴ്ച നടത്തി. ഉസ്ബെക്കിസ്ഥാനിലെ താഷ്കന്റില് നടന്ന ഇന്റര്-പാര്ലമെന്ററി യൂണിയന്റെ (ഐപിയു 150) 150-ാമത് അസംബ്ലിയുടെ ഭാഗമായിരുന്നു കൂടിക്കാഴ്ച.
ഖത്തറും ഈജിപ്തും താജിക്കിസ്ഥാനും തമ്മിലുള്ള പാര്ലമെന്ററി സഹകരണം ശക്തിപ്പെടുത്തുന്നതുമായി ബന്ധപ്പെട്ട നിരവധി വിഷയങ്ങള് രണ്ട് യോഗങ്ങളിലെയും ചര്ച്ചകളില് ഉയര്ന്നുവന്നു.
