ദോഹ: അമീര്‍ ശൈഖ് തമീം ബിന്‍ ഹമദ് അല്‍താനി ഫലസ്തീന്‍ പ്രസിഡന്റ് മഹ്‌മൂദ് അബ്ബാസുമായി ടെലിഫോണ്‍ സംഭാഷണം നടത്തി.
ഗാസ മുനമ്പിലെയും അധിനിവേശ ഫലസ്തീന്‍ പ്രദേശങ്ങളിലെയും സ്ഥിതിഗതികളിലെ ഏറ്റവും പുതിയ സംഭവവികാസങ്ങളെക്കുറിച്ച് ഫലസ്തീന്‍ പ്രസിഡന്റ് അമീറിനോട് വിശദീകരിച്ചു. ഇക്കാര്യത്തില്‍ അമീറും പ്രസിഡന്റും ഉടന്‍ വെടിനിര്‍ത്തലിന് ആവശ്യപ്പെടുന്ന പ്രാദേശിക, അന്തര്‍ദേശീയ ശ്രമങ്ങള്‍ ചര്‍ച്ച ചെയ്തു.
മേഖലയില്‍ സമാധാനവും സ്ഥിരതയും പ്രോത്സാഹിപ്പിക്കുന്നതിന് പുറമേ, ഗാസ മുനമ്പിലേക്കുള്ള മാനുഷിക സഹായങ്ങള്‍ എത്തിക്കുന്നതിന്റെ മാനുഷികതയും ചര്‍ച്ചയില്‍ സംസാരിച്ചു.
ഖത്തര്‍ ഭരണകൂടത്തിന്റെ ശ്രമങ്ങളെയും ഫലസ്തീനിന്റെ ന്യായമായ ലക്ഷ്യത്തിലേക്കുള്ള ഉറച്ച നിലപാടുകളെയും പ്രശംസിച്ച മഹമ്മൂദ് അബ്ബാസ് ഫലസ്തീനിയന്‍ ആവശ്യങ്ങള്‍ക്ക് അമീറിന്റെ തുടര്‍ച്ചയായ പിന്തുണയ്ക്ക് നന്ദിയും അഭിനന്ദനവും അറിയിച്ചു.
