മനാമ: ഇറാനില് നിന്നുള്ള ആക്രമണങ്ങള് ആരംഭിച്ചതു മുതല് ബഹ്റൈനിനെ ലക്ഷ്യമാക്കി വന്ന 78 മിസൈലുകളും 143 ഡ്രോണുകളും രാജ്യത്തിന്റെ വ്യോമ പ്രതിരോധ സംവിധാനങ്ങള് തകര്ത്തതായി ബഹ്റൈന് പ്രതിരോധ സേനയുടെ (ബി ഡി എഫ്) ജനറല് കമാന്ഡ് അറിയിച്ചു.
വെള്ളിയാഴ്ച പുറത്തിറക്കിയ പ്രസ്താവനയില് ബഹ്റൈനിനെ ലക്ഷ്യമാക്കി നടത്തിയതായി ആരോപിക്കുന്ന ഇറാന്റെ മിസൈല്, ഡ്രോണ് ആക്രമണങ്ങള് തടയുന്നതിനിടെയാണ് ഇവ നശിപ്പിച്ചതെന്ന് ബി ഡി എഫ് വ്യക്തമാക്കി.
സിവിലിയന് കേന്ദ്രങ്ങളെയും സ്വകാര്യ സ്വത്തുക്കളെയും ലക്ഷ്യമിട്ട് ബാലിസ്റ്റിക് മിസൈലുകളും ഡ്രോണുകളും ഉപയോഗിക്കുന്നത് അന്താരാഷ്ട്ര നിയമത്തിന്റെയും ഐക്യരാഷ്ട്ര സഭയുടെ ചാര്ട്ടറിന്റെയും തുറന്ന ലംഘനമാണെന്ന് പ്രസ്താവനയില് പറഞ്ഞു.
ഇത്തരത്തിലുള്ള അക്രമാത്മകവും നിയന്ത്രണമില്ലാത്തതുമായ ആക്രമണങ്ങള് പ്രാദേശിക സമാധാനത്തിനും സുരക്ഷയ്ക്കും നേരിട്ടുള്ള ഭീഷണിയാണെന്നും ബഹ്റൈന് പ്രതിരോധ സേന വ്യക്തമാക്കി.
