കൊച്ചി: വിദ്വേഷ പ്രസംഗക്കേസില് പി സി ജോര്ജിന് ജാമ്യം. പ്രായം കണക്കിലെടുത്താണ് ജാമ്യം അനുവദിച്ചത്. ഉപാധികളോടെയാണ് ഹൈക്കോടതി ജാമ്യം നല്കിയത്.
പോലീസ് ആവശ്യപ്പെട്ടാല് ഹാജരാക്കണമെന്നതടക്കമുള്ള ജാമ്യവ്യവസ്ഥകളുടെ അടിസ്ഥാനത്തിലാണ് ജാമ്യം. അന്വേഷത്തോട് പൂര്ണമായും സഹകരിക്കണമെന്നും നിര്ദേശമുണ്ട്.
തിരുവനന്തപുരത്തെ വിദ്വേഷ പ്രസംഗക്കേസിലാണ് ജാമ്യം അനുവദിച്ചത്. വെണ്ണല കേസില് കോടതി മുന്കൂര് ജാമ്യവും അനുവദിച്ചു.
വിദ്വേഷ പ്രസംഗം ആവര്ത്തിക്കെരുതെന്ന് കോടതി അദ്ദേഹത്തോട് പറഞ്ഞു. അങ്ങനെ ഉണ്ടായാല് കര്ശന നടപടി ഉണ്ടാകുമെന്നും ഹൈക്കോടതി പി സി ജോര്ജിനോട് പറഞ്ഞു. ജോര്ജിന് ജാമ്യം നല്കരുതെന്ന് സര്ക്കാര് കോടതിയില് വാദിച്ചിരുന്നു. പി സി ജോര്ജിനെ എങ്ങനെ നിയന്ത്രിക്കുമെന്നുള്ളതാണ് പ്രശ്നമെന്നും മതസ്പര്ദ്ധ ഉണ്ടാക്കുന്ന പ്രസംഗങ്ങള് ജോര്ജ് നടത്തില്ല എന്ന് ഉറപ്പാക്കണമെന്നും സര്ക്കാര് കോടതിയില് പറഞ്ഞു.
നേരത്തെ പി സി ജോര്ജിനെ പൂജപ്പുര സെന്ട്രല് ജയിലിലേക്ക് മാറ്റിയിരുന്നു. തനിക്കെതിരെയുള്ള നടപടികള് ക്രൂരമാണെന്നും സര്ക്കാര് തന്നോട് കാണിക്കുന്നതെന്ന് ഇരട്ടനീതി മാത്രമല്ല ക്രൂരതയാണെന്നുമായിരുന്നു പി.സി. ജോര്ജിന്റെ പ്രതികരണം.
