അബൂദാബി: പ്രാദേശിക സംഘര്ഷങ്ങളെ തുടര്ന്നുണ്ടായ മിസൈല് ഭീഷണിയുടെ പശ്ചാത്തലത്തില് ഒരാഴ്ചത്തേക്ക് ഓണ്ലൈന് പഠനത്തിലേക്ക് മാറിയിരുന്ന യു എ ഇയിലെ സ്കൂളുകള് തിങ്കളാഴ്ച വീണ്ടും സജീവമായി. വിദ്യാര്ഥികള് നേരിട്ടുള്ള ക്ലാസുകളിലേക്ക് മടങ്ങിയെത്തിയതോടെ ക്യാമ്പസുകളില് ആവേശകരമായ അന്തരീക്ഷമാണ് രൂപപ്പെട്ടത്. സുഹൃത്തുക്കളുമായും അധ്യാപകരുമായും വീണ്ടും ഇടപഴകാനായതില് കുട്ടികള് ഏറെ സന്തോഷത്തിലായിരുന്നുവെന്ന് അധ്യാപകര് പറഞ്ഞു.
ദുബായിയിലെയും അബുദാബിയിലെയും സ്കൂള് അധികൃതര് മികച്ച ഹാജര് നിലയാണ് രേഖപ്പെടുത്തിയതെന്ന് അറിയിച്ചു. സുരക്ഷാ സംവിധാനങ്ങളും വിദ്യാര്ഥികളുടെ ക്ഷേമത്തിന് നല്കിയ പ്രാധാന്യവും രക്ഷിതാക്കള്ക്ക് ആത്മവിശ്വാസം പകര്ന്നതായും അവര് വ്യക്തമാക്കി.
പഠനം മാത്രമല്ല, വിദ്യാര്ഥികളുടെ മാനസികാരോഗ്യവും സുരക്ഷിതത്വബോധവും ഉറപ്പാക്കുക എന്നതും സ്കൂളുകളുടെ പ്രധാന ലക്ഷ്യമായിരുന്നുവെന്ന് വിദ്യാഭ്യാസ പ്രവര്ത്തകര് പറഞ്ഞു. ഓണ്ലൈന് പഠനകാലത്ത് പഠനത്തിന്റെ തുടര്ച്ച ഉറപ്പാക്കിയതിനൊപ്പം കുട്ടികള്ക്ക് മാനസിക പിന്തുണ നല്കുന്നതിനും പ്രത്യേക ശ്രദ്ധ നല്കിയിരുന്നു.
