കൊച്ചി: സ്ത്രീധന നിരോധന നിയമം എന്തുകൊണ്ട് കര്ശനമായി നടപ്പാക്കുന്നില്ലെന്ന് ഹൈക്കോടതി. വിഷയത്തില് ഹര്ജി പരിഗണിച്ച കോടതി സര്ക്കാരിന്റെ നിലപാട് തേടി. പെരുമ്പാവൂര് സ്വദേശിയായ വിദ്യാഭ്യാസ വിദഗ്ധ ഡോ.ഇന്ദിരാ രാജന് സമര്പ്പിച്ച പൊതുതാല്പര്യ ഹര്ജിയിലാണ് ചീഫ്ജസ്റ്റിസ് അധ്യക്ഷനായ ബെഞ്ചിന്റെ പരാമര്ശങ്ങള്.ഡൗറി പ്രൊഹിബിഷന് ഓഫീസര്മാരുടെ നിയമനം നടപ്പാക്കാത്തത് എന്തുകൊണ്ടെന്നും കോടതി ചോദിച്ചു. സ്ത്രീധന നിരോധന നിയമത്തില് ഭേദഗതി ആവശ്യപ്പെട്ടുള്ള പൊതുതാല്പ്പര്യഹര്ജിയില് കേന്ദ്ര സംസ്ഥാന സര്ക്കാരുകള്ക്ക് ഹൈക്കോടതി നോട്ടീസയച്ചു. മൂന്നാഴ്ചയ്ക്കകം മറുപടി നല്കണമെന്നാണ് നിര്ദ്ദേശം.സംസ്ഥാനത്ത് വിസ്മയ കേസടക്കം നിരവധി സ്ത്രീപീഡന സംഭവങ്ങള് തുടര്ച്ചയായി റിപ്പോര്ട്ട് ചെയ്യപ്പെട്ട സാഹചര്യത്തിലാണ് ഹൈക്കോടതിയുടെ നിര്ണ്ണായക ഇടപെടല്.
