സന്അ: യമന് ജയിലില് കഴിയുന്ന മലയാളി നഴ്സ് നിമിഷ പ്രിയയുടെ വധശിക്ഷ റദ്ദാക്കിയതായി ഇന്ത്യന് ഗ്രാന്ഡ് മുഫ്തി കാന്തപുരം എ പി അബൂബക്കര് മുസ്ലിയാരുടെ ഓഫീസ് അറിയിച്ചു. നേരത്തെ താത്കാലികമായി നീട്ടിവെച്ച വധശിക്ഷയാണ് പൂര്ണമായി റദ്ദ് ചെയ്തതതെന്നും സന്ആയില് നടന്ന ഉന്നതതല യോഗത്തിലാണ് ഇതുസംന്ധിച്ച തീരുമാനം ഉണ്ടായതെന്നുമാണ് വിവരം. കേന്ദ്ര വിദേശകാര്യമന്ത്രാലയം ഈ വാര്ത്ത സ്ഥിരീകരിച്ചിട്ടില്ല.
ഇന്ത്യന് ഗ്രാന്ഡ് മുഫ്തിയുടെ ആവശ്യപ്രകാരം ശൈഖ് ഉമര് ഹഫീദ് തങ്ങള് നിയോഗിച്ച യമന് പണ്ഡിത സംഘത്തിനു പുറമെ നോര്ത്തേണ് യമനിലെ ഭരണാധികാരികളും അന്താരാഷ്ട്ര നയതന്ത്ര ഉദ്യോഗസ്ഥരും പങ്കെടുത്ത മധ്യസ്ഥ ചര്ച്ചകളിലാണ് തീരുമാനം കൈക്കൊണ്ടതെന്നാണ് കാന്തപുരത്തിന്റെ ഓഫീസില്നിന്നും പുറത്തുവരുന്ന വിവരം.
വധശിക്ഷ റദ്ദാക്കിയ ശേഷമുള്ള മറ്റു കാര്യങ്ങള് തുടര് ചര്ച്ചകളുടെ അടിസ്ഥാനത്തില് തീരുമാനിക്കാന് ധാരണയായി. കൊല്ലപ്പെട്ട തലാലിന്റെ കുടുംബവുമായുള്ള തുടര് ചര്ച്ചകള്ക്ക് ശേഷമായിരിക്കും മറ്റു കാര്യങ്ങള് തീരുമാനിക്കുകയെന്ന വിവരങ്ങളാണ് ഓഫീസ് പങ്കുവെച്ചിരിക്കുന്നത്.
നേരത്തെ ജൂലായ് 16 ന് നിശ്ചയിച്ച നിമിഷ പ്രിയയുടെ വധശിക്ഷ കാന്തപുരം എ പി അബൂബക്കര് മുസ്ലിയാരുടെ ഇടപെടലിനെ തുടര്ന്ന് താത്കാലികമായി നീട്ടിവെച്ചിരുന്നു. രണ്ടാംഘട്ട ചര്ച്ചകള്ക്ക് കേന്ദ്ര സര്ക്കാര് നിയോഗിക്കുന്ന നയതന്ത്ര പ്രതിനിധികള്കൂടി പങ്കെടുക്കണമെന്ന് കാന്തപുരം നിര്്ദ്ദേശം മുന്നോട്ടു വെച്ചിരുന്നതായാണ് വിവരം. എന്നാല് ഇക്കാര്യം കേന്ദ്ര സര്ക്കാര് അംഗീകരിച്ചിരുന്നില്ല.
