ദോഹ: ലുലു ഹൈപ്പര്മാര്ക്കറ്റ് ഖത്തര് വാണിജ്യ വ്യവസായ മന്ത്രാലയവുമായി സഹകരിച്ച് ‘നാഷണല് പ്രോഡക്റ്റ് വീക്ക്’ കാമ്പയിന് ആരംഭിച്ചു. ഖത്തറിലെ എല്ലാ ലുലു സ്റ്റോറുകളിലും നടക്കുന്ന ഈ പരിപാടി ഖത്തരി ഉത്പന്നങ്ങളെ പിന്തുണയ്ക്കുക എന്നതാണ് ലക്ഷ്യമിടുന്നത്.
വാണിജ്യ വ്യവസായ മന്ത്രാലയത്തിലെ വ്യവസായ കാര്യ- ബിസിനസ് വികസന അസിസ്റ്റന്റ് അണ്ടര് സെക്രട്ടറി സാലിഹ് ബിന് മാജിദ് അല്-ഖുലൈഫി, ലുലു ഗ്രൂപ്പ് ഡയറക്ടര് ഡോ. മുഹമ്മദ് അല്താഫ്, വിശിഷ്ട ഖത്തരി അതിഥികള്, വാണിജ്യ വ്യവസായ മന്ത്രാലയത്തിലെ ഉദ്യോഗസ്ഥര്, ലുലു മാനേജ്മെന്റ് മുതിര്ന്ന ഉദ്യോഗസ്ഥര് എന്നിവര് ദേശീയ ഉത്പന്ന വാരത്തിന്റെ ഔദ്യോഗിക ഉദ്ഘാടനം നിര്വഹിച്ചു.
മാര്ച്ച് ഒന്നു വരെ ഒരാഴ്ച നീണ്ടുനില്ക്കുന്ന ഉത്സവം രാജ്യത്തിന്റെ സമ്പന്നമായ സാംസ്കാരിക പൈതൃകവും പാരമ്പര്യവും ആഘോഷിക്കുന്ന ഖത്തറിന്റെ ഏറ്റവും മികച്ച ഭക്ഷണ- ഭക്ഷ്യേതര ഉത്പന്നങ്ങളിലേക്ക് വെളിച്ചം വീശും. പ്രാദേശിക ബിസിനസുകള്ക്ക് മികച്ച അന്തരീക്ഷം സൃഷ്ടിക്കുന്നതിനും സഹകരണവും സുസ്ഥിരതയും വളര്ത്തുന്നതിനുമാണ് പരിപാടി രൂപകല്പ്പന ചെയ്തിരിക്കുന്നത്.
ഖത്തറില് ഉത്പാദിപ്പിക്കുന്ന വൈവിധ്യമാര്ന്ന ഉത്പന്നങ്ങളുടെ ശേഖരം ഇവിടെ ലഭ്യമാകും, പച്ചക്കറികള്, ഔഷധസസ്യങ്ങള്, കോഴി, മുട്ട, അറബിക് ആട്ടിന്കുട്ടി, പാലുത്പന്നങ്ങള്, ശീതീകരിച്ച ഭക്ഷണങ്ങള്, പലചരക്ക് സാധനങ്ങള്, ബേക്കറി ഇനങ്ങള്, വിവിധതരം പലചരക്ക് സാധനങ്ങള്, ആരോഗ്യ, സൗന്ദര്യവര്ധക വസ്തുക്കള് തുടങ്ങിയവ ഇതില് ഉള്പ്പെടുന്നു.
ലുലു ദേശീയ ഉത്പന്ന വാരം സംഘടിപ്പിച്ചതില് അതിയായ സന്തോഷമുണ്ടെന്നും അഞ്ഞൂറിലധികം ം പ്രാദേശിക ഉത്പന്നങ്ങള് ലുലു വൈറ്റ് ലേബല് ചെയ്തിരിക്കുന്നത് കാണുന്നത് വളരെ സന്തോഷകരമാണെന്നും ഇതൊരു മികച്ച സംരംഭമാണെന്നും ലുലു ഗ്രൂപ്പ് ഡയറക്ടര് ഡോ. മുഹമ്മദ് അല്താഫ് പറഞ്ഞു.
‘റമദാന് എത്തുമ്പോള് ഉപഭോഗത്തില് ഗണ്യമായ വര്ധനവ് പ്രതീക്ഷിക്കുന്നതായും അതില് ഖത്തരി ഉത്പന്നങ്ങള് പ്രത്യേകമായി വര്ധിക്കുമെന്നും തങ്ങളുടെ അഭിമാനമാണെന്നും അദ്ദേഹം പറഞ്ഞു.
വര്ഷങ്ങളായി ഡിസംബറിലാണ് ദേശീയ ഉത്പന്ന വാരാഘോഷം നടത്താറുള്ളതെങ്കിലും ഈ വര്ഷം ഫെബ്രുവരിയില് സംഘടിപ്പിക്കാനാണ് തീരുമാനിച്ചതെന്നും ഡോ. അല്താഫ് കൂട്ടിച്ചേര്ത്തു. റമദാന് പ്രമാണിച്ച് ഈ മാസം ദേശീയ ഉത്പന്ന വാര പ്രമോഷന് നടത്തുന്നത് സമയോചിതമാണെന്നും പ്രമോഷന് രണ്ട് മാസത്തേക്ക് നീട്ടിയിട്ടുണ്ടെന്നും അദ്ദേഹം പറഞ്ഞു.
ഖത്തറില് ഉല്പ്പാദിപ്പിക്കുന്ന 300 സ്വകാര്യ ഉത്പന്നങ്ങള് ലുലു ഹൈപ്പര്മാര്ക്കറ്റില് പ്രദര്ശിപ്പിച്ചിട്ടുണ്ട്. പ്രാദേശിക വ്യവസായങ്ങളെ പിന്തുണയ്ക്കുന്നതിനുള്ള പ്രതിബദ്ധതയെ ഇത് കൂടുതല് ഊന്നിപ്പറയുന്നു. ഇതിനുപുറമെ ബലദ്ന, പേള, മസാറത്തി, ഡാന്ഡി, അല് മഹാ, ക്യുബേക്ക്, റാവ, ക്യുഎഫ്എം, റയ്യാന്, ഖത്തര് പഫ്കി, ജവ്ഹര്, ഫ്േളാറ, ഗൗര്മെറ്റ്, അഗ്രിക്കോ ഖത്തര്, ബറ്റാറ്റോസ്, അല് വാജ്ബ, കിറ്റ്കോ, പാരാമൗണ്ട് അഗ്രിക്കോള്, ഓഷ്യന് ഫിഷ്, നാപോളി ബേക്കറീസ്, അല് വജ്ബ, അല് അന്നബി, കൊറിയന് ബേക്കറീസ്, അല് മന്ഹാല്, അക്വാ ഗള്ഫ്, ദോഹ തുടങ്ങിയ പ്രമുഖ ഖത്തരി ബ്രാന്ഡുകളുടെ വിപുലമായ ശ്രേണി ഇതില് ഉള്പ്പെടുന്നു.
ക്യാംപയിനിന്റെ ഭാഗമായി ലുലു ഹൈപ്പര്മാര്ക്കറ്റ് ഷോപ്പ് ആന്റ് വിന് ക്യാംപെയ്നും ആരംഭിച്ചു. മാര്ച്ച് 24 വരെ നീണ്ടുനില്ക്കുന്ന പ്രമോഷന് ആവേശകരമായ പ്രതിഫലം വാഗ്ദാനം ചെയ്തുകൊണ്ട് ഖത്തരി ഉത്പന്നങ്ങളെ പിന്തുണയ്ക്കാന് ഉപഭോക്താക്കളെ പ്രോത്സാഹിപ്പിക്കുന്നു. സൂപ്പര്മാര്ക്കറ്റ് വിഭാഗത്തില് നിന്ന് 25 ഖത്തര് റിയാലോ അതില് കൂടുതലോ വിലയുള്ള ഏതെങ്കിലും ഖത്തര് ഉത്പന്നം വാങ്ങുന്നവര്ക്ക് ഒരു ഇ-റാഫിള് കൂപ്പണ് ലഭിക്കും. ഇത് അവര്ക്ക് മൊത്തം 100,000 ഖത്തര് റിയാലിന്റെ ലുലു ഗിഫ്റ്റ് വൗച്ചറുകള് നേടാനുള്ള അവസരം നല്കും. 2025 മാര്ച്ച് 26ന് ഡി-റിംഗ് റോഡിലെ ലുലു ഹൈപ്പര്മാര്ക്കറ്റിലാണ് നറുക്കെടുപ്പ് നടക്കുക.
ക്യാംപെയ്നില് 20 വിജയികളുണ്ടാകും. ഓരോരുത്തര്ക്കും 5,000 ഖത്തര് റിയാലിന്റെ ലുലു ഗിഫ്റ്റ് വൗച്ചര് ലഭിക്കും.
പ്രാദേശിക കര്ഷകര്ക്കുള്ള ലുലു ഗ്രൂപ്പിന്റെ അചഞ്ചലമായ പിന്തുണ ഖത്തറിന്റെ കാര്ഷിക മേഖലയെയും സമ്പദ്വ്യവസ്ഥയെയും ശക്തിപ്പെടുത്തുന്നതിനുള്ള പ്രതിബദ്ധതയെ അടിവരയിടുന്നു.
