ഗാസ: ഗാസയിലെ ആക്രമണം നിര്ത്തണമെന്ന യു എസ് പ്രസിഡന്റ് ഡൊണാള്ഡ് ട്രംപിന്റെ ആഹ്വാനം അവഗണിച്ച് ഫലസ്തീന് ജനതയ്ക്കെതിരായ ക്രൂരമായ ആക്രമണം തുടരുന്ന ഇസ്രായേലിനെ ഗാസ മീഡിയ ഓഫീസ് വിമര്ശിച്ചു.
കുടിയിറക്കപ്പെട്ട സാധാരണക്കാര് തിങ്ങിപ്പാര്ക്കുന്ന പ്രദേശങ്ങളില് 93ലധികം വ്യോമ, പീരങ്കി ആക്രമണങ്ങള് നടത്തിയ ഇസ്രായേല് സൈന്യം ‘പരസ്യമായി കൂട്ടക്കൊലകള്’ തുടരുകയാണെന്ന് മീഡിയ ഓഫീസ് പറഞ്ഞു.
ആക്രമണങ്ങളില് സ്ത്രീകളും കുട്ടികളും ഉള്പ്പെടെ കുറഞ്ഞത് 70 പേര് കൊല്ലപ്പെട്ടു. ഇതില് ഗാസ സിറ്റിയില് മാത്രം 47 പേര് ഉള്പ്പെടുന്നുവെന്ന് പ്രസ്താവനയില് പറയുന്നു.
‘അധിനിവേശം ശാന്തതയ്ക്കുള്ള എല്ലാ അന്താരാഷ്ട്ര ആഹ്വാനങ്ങളും അവഗണിക്കുകയും ഗാസ മുനമ്പില് സാധാരണക്കാരെ ആസൂത്രിതമായി കൊല്ലുകയും ജീവന് നശിപ്പിക്കുകയും ചെയ്യുന്നത് തുടരാന് നിര്ബന്ധിക്കുകയും ചെയ്യുന്നുവെന്ന് ഇത് സ്ഥിരീകരിക്കുന്നു,’ മീഡിയ ഓഫീസ് പറഞ്ഞു.
