ദോഹ: പ്രാദേശിക സര്ഗ്ഗാത്മകര് സംഭാവന ചെയ്യുന്ന കലാസൃഷ്ടികളുടെ ശേഖരത്തിലൂടെ ഫലസ്തീന് സ്വത്വത്തെ ആഘോഷിക്കുന്ന കൂട്ടായ കലാ പ്രദര്ശനമായ ‘മെമ്മറി ഓഫ് ദി ലാന്ഡ്’ മുഷൈരിബ് മ്യൂസിയംസില് ആരംഭിക്കും.
മാനുഷിക ലക്ഷ്യങ്ങളെ പിന്തുണയ്ക്കുന്നതിനൊപ്പം ഫലസ്തീന് സാംസ്കാരിക പൈതൃകം സംരക്ഷിക്കുന്നതിനും ആഘോഷിക്കുന്നതിനുമുള്ള കൂട്ടായ ശ്രമത്തെയാണ് പ്രദര്ശനം പ്രതിഫലിപ്പിക്കുന്നത്. ജനുവരി 22 മുതല് പതിവ് മ്യൂസിയം സമയങ്ങളില് സന്ദര്ശകര്ക്കായി തുറന്നിരിക്കും.
പലസ്തീന് സ്വത്വത്തിന്റെ സമ്പന്നത ആഘോഷിക്കുന്നതിനൊപ്പം പൈതൃകവും സാംസ്കാരിക ധാരണയും സംരക്ഷിക്കുന്നതില് കലയുടെ ശക്തിയെക്കുറിച്ച് ഈ പ്രദര്ശനം സംസാരിക്കുന്നു.
ജോര്ദാന്/ ഫലസ്തീനില് നിന്നുള്ള സഫാ സലാമ, മുഹമ്മദ് അക്ലീക്ക്, ടുണീഷ്യയില് നിന്നുള്ള അസല ഷൗക്ക്, നോഹ അല് ഹബീബ്, അല്ജീരിയയില് നിന്നുള്ള തൗഫിഖ് മുബാര്ക്കി, സിറിയയില് നിന്നുള്ള മുഹമ്മദ് കാഖി തുടങ്ങിയ പ്രശസ്ത കലാകാരന്മാരുടെ കൃതികള് പ്രദര്ശനത്തില് ഉള്പ്പെടുന്നു.
സാംസ്കാരിക സംരംഭത്തിന്റെ ഭാഗമായി, പ്രദര്ശിപ്പിച്ചിരിക്കുന്ന കലാസൃഷ്ടികള് ഉള്ക്കൊള്ളുന്ന പ്രത്യേക കലണ്ടര് പതിപ്പുകള് സന്ദര്ശകര്ക്ക് വാങ്ങാനുള്ള അവസരം ലഭിക്കും. എല്ലാ വരുമാനവും ജീവകാരുണ്യ പ്രവര്ത്തനങ്ങള്ക്കായി നല്കും.
