ദോഹ: വിദേശകാര്യ സഹമന്ത്രി സുല്ത്താന് ബിന് സാദ് അല് മുറൈഖി ഖത്തറിലെ ഇറാന് അംബാസഡര് അലി സലേഹബാദിയുമായി കൂടിക്കാഴ്ച നടത്തി.
കൂടിക്കാഴ്ചയില് ഇരുപക്ഷവും ഉഭയകക്ഷി സഹകരണത്തിന്റെ വശങ്ങള് ചര്ച്ച ചെയ്യുകയും അവ മെച്ചപ്പെടുത്തുന്നതിനും വികസിപ്പിക്കുന്നതിനുമുള്ള വഴികള് തേടുകയും ചെയ്തു. മേഖലയിലെ ഏറ്റവും പുതിയ സംഭവവികാസങ്ങളും അവര് അഭിസംബോധന ചെയ്തു.
ഇറാനിയന് പ്രദേശത്തിനെതിരായ ഇസ്രായേല് ആക്രമണത്തെ ഖത്തര് ശക്തമായി അപലപിക്കുന്നതായി വിദേശകാര്യ സഹമന്ത്രി ആവര്ത്തിച്ചു. ഇറാന്റെ പരമാധികാരത്തിന്റെയും സുരക്ഷയുടെയും നഗ്നമായ ലംഘനവും അന്താരാഷ്ട്ര നിയമങ്ങളുടെയും സ്ഥാപിത തത്വങ്ങളുടെയും വ്യക്തമായ ലംഘനവുമാണിതെന്ന് അദ്ദേഹം വിശേഷിപ്പിച്ചു.
