ദോഹ: ഡിജിറ്റല്‍ തൊഴില്‍ കരാറുകളുടെ ആധികാരികത ഉറപ്പാക്കുന്നതിനുള്ള സേവനങ്ങളില്‍ പുതിയ അപ്ഡേറ്റുകള്‍ അവതരിപ്പിക്കുന്നതായി തൊഴില്‍ മന്ത്രാലയം പ്രഖ്യാപിച്ചു, ഏകീകൃത ഡിജിറ്റല്‍ പ്ലാറ്റ്ഫോം സ്വകാര്യ മേഖലാ സ്ഥാപനങ്ങളിലെ ജീവനക്കാര്‍ക്ക് കരാറിന്റെ നിബന്ധനകള്‍ പരിശോധിച്ച് അംഗീകരിക്കാനോ നിരസിക്കാനോ ഉള്ള അധികാരം അനുവദിച്ചു. ഡിജിറ്റല്‍ പ്ലാറ്റ്ഫോം വഴി ഗാര്‍ഹിക തൊഴിലാളികളുടെ കരാറുകള്‍ ആധികാരികമാക്കുന്നതിനും സേവന കേന്ദ്രങ്ങള്‍ സന്ദര്‍ശിക്കേണ്ട ആവശ്യമില്ലാതെയും ഇ-സേവനം നല്‍കുന്നതിന് പുറമേയാണിത്.
തൊഴില്‍ മേഖലയെ കൂടുതല്‍ മെച്ചപ്പെടുത്തുന്നതിന് സാങ്കേതിക പ്ലാറ്റ്ഫോമുകള്‍ മികച്ച രീതിയില്‍ പ്രയോജനപ്പെടുത്തുകയാണ് ലക്ഷ്യം. കരാര്‍ പ്രാമാണീകരണ പ്രക്രിയ പൂര്‍ത്തിയായിക്കഴിഞ്ഞാലാണ് ഓട്ടോമാറ്റിക് കരാര്‍ ഓഡിറ്റ് ആരംഭിക്കുന്നത്. നാഷണല്‍ ഓതന്റിക്കേഷന്‍ സിസ്റ്റം ഉപയോഗിച്ച് തൊഴിലുടമകളുടെ പോര്‍ട്ടലിലൂടെ സ്ഥാപനത്തിന് അപേക്ഷ സമര്‍പ്പിക്കാനും കരാര്‍ ഡാറ്റ പരിശോധിക്കുന്നതിന് തൊഴിലാളികളും വ്യക്തികളുടെ പോര്‍ട്ടലും മുഖേനയും അംഗീകാരത്തിനായി അപേക്ഷ തൊഴിലാളിക്ക് കൈമാറാനും സേവനം പ്രാപ്തമാക്കുന്നു, കരാര്‍ 11 വ്യത്യസ്ത ഭാഷകളില്‍ ലഭ്യമാണ്.
കരാര്‍ സ്ഥിരീകരണത്തിന് ശേഷം സ്ഥാപനത്തിനും തൊഴിലാളിക്കും പ്രിന്റെടുക്കാനും സാധിക്കും.
കരാര്‍ സേവനങ്ങള്‍ പൂര്‍ത്തിയാക്കാന്‍ തൊഴില്‍ദാതാക്കളുടെ പോര്‍ട്ടലിലൂടെ സ്ഥാപനങ്ങള്‍ക്കുള്ള സ്മാര്‍ട്ട് കാര്‍ഡ് ഉപയോഗിച്ച് നാഷണല്‍ ഓതന്റിക്കേഷന്‍ സിസ്റ്റം വഴിയോ വ്യക്തികളുടെയും തൊഴിലാളികളുടെയും പോര്‍ട്ടലിലൂടെ വ്യക്തിഗത നമ്പര്‍ സൂചിപ്പിച്ചോ ലോഗിന്‍ ചെയ്യണം എന്നത് ശ്രദ്ധേയമാണ്.
ഐഡന്റിറ്റി പരിശോധിച്ചുറപ്പിക്കുന്നതിനും വിലാസം അപ്ഡേറ്റ് ചെയ്യുന്നതിനുമായി ടെലികമ്മ്യൂണിക്കേഷന്‍ കമ്പനികള്‍ മുഖേന തൊഴിലുടമയുടെയും ജീവനക്കാരുടെയും ഫോണ്‍ നമ്പറുകള്‍ വ്യക്തിഗത ഐഡി നമ്പറുമായി ലിങ്ക് ചെയ്യേണ്ടതുണ്ട്.
ഹുകൂമിയുമായി ലിങ്ക് ചെയ്ത് പേയ്മെന്റ് ഗേറ്റ്വേ വഴി ഫീസ് അടയ്ക്കുന്നതിന് ബാങ്ക് പേയ്മെന്റ് കാര്‍ഡും ആവശ്യമാണ്.
സ്വകാര്യ സ്ഥാപനങ്ങളായാലും ഗാര്‍ഹിക ജീവനക്കാര്‍ക്കായി വ്യക്തിഗത റിക്രൂട്ടര്‍മാരായാലും പ്ലാറ്റ്ഫോമില്‍ സൈന്‍ ഇന്‍ ചെയ്യേണ്ടതുണ്ട്. കരാറിന്റെ ഒരു പകര്‍പ്പ് അറബിയിലും തൊഴിലാളിയുടെ ഭാഷയിലുമായിരിക്കും. ഒപ്പിട്ട ശേഷം മന്ത്രാലയം അവലോകനം നടത്താനായി അപ്‌ലോഡ് ചെയ്യണം.
കരാര്‍ അംഗീകരിക്കപ്പെട്ടാല്‍ സ്ഥാപനം ഓണ്‍ലൈനായി ഫീസ് അടക്കുന്നതോടെ കരാറിന്റെ ഡിജിറ്റല്‍ സാക്ഷ്യപ്പെടുത്തിയ പകര്‍പ്പുകള്‍ തൊഴിലാളിക്കും തൊഴിലുടമയ്ക്കും ലഭ്യമാകും.
