ദോഹ: ഖത്തര് എയര്വേയ്സ് ആഗോള ആസ്ഥാനം 2025-ല് മുശൈരിബ് ഡൗണ്ടൗണിലേക്ക് മാറുന്നു. ഖത്തര് എയര്വേയ്സ് ഓഫീസില് മുശൈരിബ് പ്രോപ്പര്ട്ടീസ് ഡയറക്ടര് ബോര്ഡ് വൈസ് ചെയര്പേഴ്സണ് എന്ജിനിയര് സഅദ് അല് മുഹന്നദി പങ്കെടുത്ത കരാര് ഒപ്പിടല് ചടങ്ങിലാണ് പ്രഖ്യാപനമുണ്ടായത്.
എയര്ലൈനിന്റെ ഹബ് ഓപ്പറേഷന്സ് സെന്ററായ ഹമദ് ഇന്റര്നാഷണല് എയര്പോര്ട്ടില് നിന്ന് ഒമ്പത് കിലോമീറ്റര് അകലെ മുശൈരിബില് പരസ്പരം ബന്ധിപ്പിച്ചിരിക്കുന്ന നാല് ടവറുകളിലായി ഖത്തര് എയര്വേയ്സ് ജീവനക്കാര്ക്ക് അത്യാധുനിക സൗകര്യങ്ങള് പ്രദാനം ചെയ്യും. എല്ലാ ദോഹ മെട്രോ ലൈനുകളും ബന്ധിപ്പിക്കുന്ന മുശൈരിബ് മെട്രോ സ്റ്റേഷനില് നിന്ന് 10 മീറ്റര് മാത്രം അകലെ സ്ഥിതി ചെയ്യുന്ന ഖത്തര് എയര്വേയ്സിന്റെ ദോഹ ആസ്ഥാനം ജീവനക്കാര്ക്ക് മെച്ചപ്പെട്ട പ്രവേശനക്ഷമത നല്കും.
മുശൈരിബ് ഡൗണ്ടൗണ് ദോഹ നഗരത്തിലുടനീളമുള്ള തടസ്സങ്ങളില്ലാത്ത കണക്റ്റിവിറ്റി ലഭ്യമാക്കുന്നതിനോടൊപ്പം സാങ്കേതിക പുരോഗതിയുടെയും കമ്മ്യൂണിറ്റി അധിഷ്ഠിത വികസനത്തിന്റെയും കേന്ദ്രമായും ഖത്തര് എയര്വേയ്സിനെ സമന്വയിപ്പിക്കും. എയര്ലൈനിന്റെ ദൈനംദിന പ്രവര്ത്തനങ്ങള് സജ്ജീകരിക്കാന് അത്യാധുനിക ഊര്ജ്ജ- കാര്യക്ഷമമായ സംവിധാനങ്ങളും സ്മാര്ട്ട് ഇന്ഫ്രാസ്ട്രക്ചറും ഉള്ക്കൊള്ളുന്ന, സുസ്ഥിരതയോടെയാണ് പുതിയ ആസ്ഥാനം രൂപകല്പ്പന ചെയ്തിരിക്കുന്നത്. പുതിയ ഖത്തര് എയര്വേയ്സ് ആസ്ഥാനം ഇതിനകം തന്നെ സ്മാര്ട്ട് കെട്ടിടങ്ങളുടെ ആഗോള നിലവാരമായ സ്മാര്ട്ട് സ്കോര് സര്ട്ടിഫിക്കേഷന് നേടിയിട്ടുണ്ട്.
നഗരത്തിലെ ഓള്ഡ് എയര്പോര്ട്ട് ഏരിയയില് നിലവില് മൂന്ന് വ്യത്യസ്ത കെട്ടിടങ്ങള് ഉള്ക്കൊള്ളുന്ന ഖത്തര് എയര്വേയ്സ് ഗ്രൂപ്പിന്റെ ആദ്യത്തെ വലിയ തോതിലുള്ള ഓഫീസ് സ്ഥലം മാറ്റമാണിത്. പുതിയ ഓഫീസ് ടവറുകള് റിയല് എസ്റ്റേറ്റ് ഡെവലപ്മെന്റ് കമ്പനിയുടെയും ഖത്തര് ഫൗണ്ടേഷന്റെ സബ്സിഡിയറിയായ മുശൈരിബ് പ്രോപ്പര്ട്ടീസിന്റെയും ഉടമസ്ഥതയിലുള്ളതാണ്.
