ദോഹ: ഖത്തര് എയര്വേയ്സ് ഗ്രൂപ്പിന്റെ 27 വര്ഷത്തെ ചരിത്രത്തിലെ ഏറ്റവും ശക്തമായ സാമ്പത്തിക പ്രകടനം റിപ്പോര്ട്ട് ചെയ്തു. 2023- 24 സാമ്പത്തിക വാര്ഷിക റിപ്പോര്ട്ടില് 6.1 ബില്യണ് റിയാല് റെക്കോര്ഡ് ലാഭം പ്രഖ്യാപിച്ചു.
മൊത്തം വരുമാനം 81 ബില്ല്യണ് റിയാലാണ്. കഴിഞ്ഞ വര്ഷത്തെ അപേക്ഷിച്ച് ആറു ശതമാനം വര്ധനവാണിത്.
2023- 24 സാമ്പത്തിക വര്ഷത്തില് 40 ദശലക്ഷത്തിലധികം യാത്രക്കാരെ വഹിച്ച ഗ്രൂപ്പിന്റെ എയര്ലൈന് ബിസിനസിന്റെ ഭാവിക്ക് ശക്തമായ പ്ലാറ്റ്ഫോമാണ് സൃഷ്ടിച്ചത്. മുന് വര്ഷത്തേക്കാള് 26 ശതമാനം വര്ധനവാണിത്.
യാത്രക്കാരുടെ വരുമാനം 19 ശതമാനമാണ് വര്ധിച്ചത്. എയര്ലൈനിന്റെ എക്കാലത്തെയും ഉയര്ന്ന ലോഡ് ഫാക്ടറായ 83 ശതമാനത്തില് 21 ശതമാനം ശേഷി വര്ധനയുണ്ടായി. ഇത് വിപണി വിഹിതത്തില് സുസ്ഥിരമായ ഉയര്ച്ച വാഗ്ദാനം ചെയ്യുന്നു.
