ദോഹ: നൈജീരിയയിലെ വടക്കുപടിഞ്ഞാറന് ഭാഗമായ സംഫാറയില് ഒരു ഗ്രാമത്തെ ലക്ഷ്യമിട്ടുണ്ടായ ആക്രമണത്തെ ഖത്തര് ശക്തമായി അപലപിച്ചു. ഈ ആക്രമണത്തില് ഡസന് കണക്കിന് പേര് കൊല്ലപ്പെടുകയും നിരവധി സ്ത്രീകളേയും കുട്ടികളേയും തട്ടിക്കൊണ്ടുപോകപ്പെടുകയും ചെയ്തതായി റിപ്പോര്ട്ടുകള് വ്യക്തമാക്കുന്നു.
തിങ്കളാഴ്ച പുറത്തിറക്കിയ പ്രസ്താവനയില് അക്രമം, ഭീകരവാദം, കുറ്റകൃത്യങ്ങള് എന്നിവയെ ഖത്തര് സ്ഥിരമായി നിരാകരിക്കുന്നുവെന്ന് വിദേശകാര്യ മന്ത്രാലയം ആവര്ത്തിച്ചു. ഇത്തരം പ്രവര്ത്തനങ്ങള് ഏത് ഉദ്ദേശ്യത്താലായാലും അംഗീകരിക്കാനാവില്ലെന്നും മന്ത്രാലയം വ്യക്തമാക്കി.
ബാധിതരുടെ കുടുംബങ്ങള്ക്കും നൈജീരിയ സര്ക്കാരിനും ജനങ്ങള്ക്കും ഖത്തര് അനുശോചനം രേഖപ്പെടുത്തി. തട്ടിക്കൊണ്ടുപോയവരുടെ സുരക്ഷിത മോചനത്തിനായി പ്രാര്ഥിക്കുന്നതായും പ്രസ്താവനയില് പറഞ്ഞു.
