ദോഹ: അധിനിവേശ പൊലീസിന്റെ സംരക്ഷണയില്‍ ഇസ്രായേല്‍ ദേശീയ സുരക്ഷാ മന്ത്രി നടത്തിയ അല്‍ അഖ്സ പള്ളി ആക്രമണത്തെ ഖത്തര്‍ അപലപിച്ചു, ഇത് അന്താരാഷ്ട്ര മാനുഷിക നിയമങ്ങളുടെ നഗ്‌നമായ ലംഘനവും ലോകമെമ്പാടുമുള്ള മുസ്‌ലിംകളുടെ വികാരങ്ങളെ പ്രകോപിപ്പിക്കുന്നതുമാണെന്ന് കണക്കാക്കി.
പ്രസ്താവനയില്‍, അല്‍ അഖ്സ പള്ളിയുടെ മതപരവും ചരിത്രപരവുമായ പദവി തകര്‍ക്കാനുള്ള ശ്രമങ്ങളെ ഖത്തര്‍ പൂര്‍ണ്ണമായും നിരാകരിക്കുന്നുവെന്ന് വിദേശകാര്യ മന്ത്രാലയം സ്ഥിരീകരിച്ചു.
ജറുസലേമിനോടും അതിന്റെ പുണ്യസ്ഥലങ്ങളോടും അന്താരാഷ്ട്ര സമൂഹം അതിന്റെ ധാര്‍മ്മികവും നിയമപരവുമായ ഉത്തരവാദിത്തങ്ങള്‍ ഉയര്‍ത്തിപ്പിടിക്കേണ്ടതിന്റെയും ആവര്‍ത്തിച്ചുള്ള ഇസ്രായേലി ലംഘനങ്ങളെ ശക്തമായി നേരിടേണ്ടതിന്റെയും ആവശ്യകതയെ അത് ഊന്നിപ്പറഞ്ഞു.
നിയന്ത്രണങ്ങളില്ലാതെ അവരുടെ മതപരമായ ആചാരങ്ങള്‍ അനുഷ്ഠിക്കാനും 1967ലെ അതിര്‍ത്തിക്കുള്ളില്‍ കിഴക്കന്‍ ജറുസലേം തലസ്ഥാനമായി അവരുടെ സ്വതന്ത്ര രാഷ്ട്രം സ്ഥാപിക്കാനുമുള്ള അവരുടെ പൂര്‍ണ്ണ അവകാശം ഉള്‍പ്പെടെ ഫലസ്തീന്റെ ന്യായമായ ലക്ഷ്യത്തിലും സഹോദര ഫലസ്തീന്‍ ജനതയുടെ നിയമാനുസൃത അവകാശങ്ങളിലും ഖത്തറിന്റെ അചഞ്ചലമായ നിലപാട് മന്ത്രാലയം ആവര്‍ത്തിച്ചു.
