മത്സരം പൂര്‍ത്തിയാക്കി ഖത്തര്‍ ഹര്‍ഡില്‍ താരം അബ്ദുറഹ്മാന്‍ സാംബ

പാരീസ്: സ്റ്റേഡ് ഡി ഫ്രാന്‍സില്‍ നടന്ന 400 മീറ്റര്‍ ഹര്‍ഡില്‍സ് ഫൈനലില്‍ മത്സരിച്ച ഖത്തറിന്റെ അത്ലറ്റ് അബ്ദുറഹ്മാന്‍ സാംബ 2024 പാരീസ് ഒളിമ്പിക് ഗെയിംസിലെ മത്സരങ്ങള്‍ പൂര്‍ത്തിയാക്കി.

2024 പാരീസ് ഒളിമ്പിക്സിലെ ഏറ്റവും ശക്തമായ മത്സരങ്ങളിലൊന്നായ 47.98 സമയത്തോടെയാണ് സാംബ മത്സരം പൂര്‍ത്തിയാക്കിയതെന്ന് ഖത്തര്‍ ഒളിമ്പിക് കമ്മിറ്റി എക്സില്‍ പ്രസ്താവിച്ചു. മികച്ച പ്രകടനം കാഴ്ചവെച്ച സാംബയ്ക്ക് ഭാവിയിലെ മത്സരങ്ങളില്‍ വിജയം നേരുന്നുവെന്നും ടീം ഖത്തര്‍ കൂട്ടിച്ചേര്‍ത്തു.

ഇന്ന് ടീം ഖത്തര്‍ ആരാധകര്‍ കാത്തിരിക്കുന്ന ടോക്കിയോ മെഡല്‍ ജേതാക്കളെ വേദിയില്‍ കാണാനാവും. രാത്രി എട്ടു മണിക്ക് പുരുഷന്മാരുടെ ഹൈജംപ് ഫൈനലില്‍ മുതാസ് ബര്‍ഷിം നേതൃത്വം നല്‍കുന്ന ടീം മത്സരിക്കും.

ഖത്തറിന്റെ ആദ്യ ഒളിമ്പിക് സ്വര്‍ണ ചാമ്പ്യനായ ഫാരെസ് ഇബ്രാഹിം 102 കിലോഗ്രാം ഭാരോദ്വഹനത്തില്‍ മത്സരിക്കും. തുടര്‍ച്ചയായ രണ്ടാം ഒളിമ്പിക് സ്വര്‍ണം തേടി ഉച്ചയ്ക്ക് 12.30നാണ് മത്സരം ആരംഭിക്കുക.