ദോഹ: അമീര് ശൈഖ് തമീം ബിന് ഹമദ് അല്താനിയും തുര്ക്കി പ്രസിഡന്റ് റജബ് ത്വയ്യിബ് എര്ദോഗനും ഇരു രാജ്യങ്ങളും തമ്മിലുള്ള തന്ത്രപരമായ ബന്ധങ്ങളെക്കുറിച്ചും അവ വികസിപ്പിക്കുന്നതിനും ശക്തിപ്പെടുത്തുന്നതിനുമുള്ള വഴികളെക്കുറിച്ചും ചര്ച്ച ചെയ്തു.
പൊതുവായ ആശങ്കയുള്ള പ്രധാന പ്രാദേശിക, അന്തര്ദേശീയ സംഭവവികാസങ്ങളെക്കുറിച്ചും അവര് പരാമര്ശിച്ചു. പ്രധാനമായും ഗാസ മുനമ്പിലെയും അധിനിവേശ ഫലസ്തീന് പ്രദേശങ്ങളിലെയും സംഭവവികാസങ്ങള് ചര്ച്ചയില് ഉയര്ന്നുവന്നു.
തുര്ക്കി പ്രസിഡന്റ് അമീറിനെ ഫോണില് ബന്ധപ്പെടുകയായിരുന്നു.
കുര്ദിസ്ഥാന് വര്ക്കേഴ്സ് പാര്ട്ടി (പികെകെ) നിരായുധീകരണ കരാര് ആരംഭിച്ചതിനെ അമീര് സ്വാഗതം ചെയ്തു. സിവില് സമാധാനം വളര്ത്തുന്നതിലും പ്രാദേശിക സ്ഥിരത പ്രോത്സാഹിപ്പിക്കുന്നതിലും തുര്ക്കിയുടെ ശ്രമങ്ങളെ അദ്ദേഹം അഭിനന്ദിച്ചു.
