ദോഹ: രണ്ട് ദിവസങ്ങളിലായി മുശൈരിബ് ഡൗണ് ടൗണ് ദോഹയില് നടന്ന എര്ത്ന ഉച്ചകോടി സമാപന ചടങ്ങില് ഖത്തര് ഫൗണ്ടേഷന് ഫോര് എജ്യുക്കേഷന്, സയന്സ് ആന്ഡ് കമ്മ്യൂണിറ്റി ഡെവലപ്മെന്റ് ചെയര്പേഴ്സണ് ശൈഖ മോസ ബിന്ത് നാസര് പങ്കെടുത്തു.
സെഷനില് ഖത്തര് ഫൗണ്ടേഷന് (ക്യു എഫ്) വൈസ് ചെയര്പേഴ്സണും സി ഇ ഒയുമായ ശൈഖ ഹിന്ദ് ബിന്ത് ഹമദ് അല് താനിയും പങ്കെടുത്തു.
എര്ത്ന സെന്ററിന്റെ എക്സിക്യൂട്ടീവ് ഡയറക്ടര് ഡോ. ഗോണ്സാലോ കാസ്ട്രോ ഡി ലാ മാറ്റ രാജ്യങ്ങളും കാലാവസ്ഥയും തമ്മിലുള്ള സുസ്ഥിരതയുടെ ആശയങ്ങളിലെ വ്യത്യാസത്തെക്കുറിച്ചുള്ള തന്റെ കാഴ്ചപ്പാട് അവതരിപ്പിച്ചു. ഉഷ്ണമേഖലാ രാജ്യങ്ങളുടെ ആവശ്യങ്ങളില് നിന്ന് വ്യത്യസ്തമായ ചൂടും വരണ്ട കാലാവസ്ഥയും ഉള്ള രാജ്യങ്ങളുടെ ആവശ്യങ്ങള് ഉയര്ത്തിക്കാട്ടി. ഖത്തറിന്റെ സമ്പദ്വ്യവസ്ഥ പുനരുല്പ്പാദിപ്പിക്കാവുന്ന പ്രകൃതിവിഭവങ്ങളെ അടിസ്ഥാനമാക്കിയുള്ളതല്ല, മറിച്ച് വാതകം പോലെയുള്ള പുനരുല്പ്പാദിപ്പിക്കാനാവാത്ത പ്രകൃതി വിഭവങ്ങളെയാണ് ആശ്രയിക്കുന്നത്.
