ദോഹ: ഇറാന് ലക്ഷ്യമിട്ടുള്ള ഇസ്രായേല് ആക്രമണത്തെ ഖത്തര് ശക്തമായി അപലപിച്ചു. ഇറാന്റെ പരമാധികാരത്തിന്റെയും സുരക്ഷയുടെയും നഗ്നമായ ലംഘനമായും അന്താരാഷ്ട്ര നിയമങ്ങളുടെയും തത്വങ്ങളുടെയും വ്യക്തമായ ലംഘനമായും ഇതിനെ കണക്കാക്കണം.
മേഖലയുടെ സുരക്ഷയ്ക്കും സ്ഥിരതയ്ക്കും ഭീഷണിയാകുകയും സംഘര്ഷം ലഘൂകരിക്കാനും നയതന്ത്ര പരിഹാരങ്ങള് കണ്ടെത്താനുമുള്ള ശ്രമങ്ങളെ തടസ്സപ്പെടുത്തുകയും ചെയ്യുന്ന ആക്രമണാത്മക നയങ്ങളുടെ ആവര്ത്തിച്ചുള്ള പശ്ചാത്തലത്തില് വരുന്ന അപകടകരമായ സംഘര്ഷാവസ്ഥയില് ഖത്തര് ആശങ്ക പ്രകടിപ്പിച്ചു.
ഇസ്രായേലി ലംഘനങ്ങള് അടിയന്തിരമായി തടയുന്നതിന് അന്താരാഷ്ട്ര സമൂഹം നിയമപരവും ധാര്മ്മികവുമായ ഉത്തരവാദിത്തം ഏറ്റെടുക്കേണ്ടതിന്റെ ആവശ്യകത ഖത്തര് ഊന്നിപ്പറഞ്ഞു.
എല്ലാത്തരം അക്രമങ്ങളെയും നിരാകരിക്കുകയും സംയമനം പാലിക്കാന് ആഹ്വാനം ചെയ്യുകയും സംഘര്ഷത്തിന്റെ വ്യാപ്തി വര്ധിപ്പിക്കുകയും മേഖലയിലെ സുരക്ഷയും സ്ഥിരതയും ദുര്ബലപ്പെടുത്തുകയും ചെയ്യുന്ന സംഘര്ഷം ഒഴിവാക്കുകയും ചെയ്യണമെന്ന ഉറച്ച നിലപാട് ഖത്തര് ആവര്ത്തിച്ചു.
