ദോഹ: ഒമാന്‍ സുല്‍ത്താനേറ്റിലെ സുല്‍ത്താന്‍ ഹൈതം ബിന്‍ താരിക്കും ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍താനിയും ടെലിഫോണില്‍ സംസാരിച്ചു.
മേഖലയിലെ നിലവിലെ സംഘര്‍ഷാവസ്ഥ കണക്കിലെടുത്ത് ഏറ്റവും പുതിയ പ്രാദേശിക, അന്തര്‍ദേശീയ സംഭവവികാസങ്ങള്‍, പ്രത്യേകിച്ച് മേഖലയിലെ സംഘര്‍ഷാവസ്ഥയുടെ വെളിച്ചത്തില്‍, ചര്‍ച്ച ചെയ്തു.
ഹോര്‍മുസ് കടലിടുക്കുമായി ബന്ധപ്പെട്ട സംഭവവികാസങ്ങളും അന്താരാഷ്ട്ര സമുദ്ര സുരക്ഷയ്ക്കും ആഗോള ഊര്‍ജ്ജ വിതരണത്തിനും അവ നല്‍കുന്ന പ്രത്യാഘാതങ്ങളും പ്രത്യേക ശ്രദ്ധ നല്‍കി.
സുരക്ഷയും സ്ഥിരതയും വര്‍ധിപ്പിക്കുന്നതിനും നാവിഗേഷന്‍ സ്വാതന്ത്ര്യവും സുപ്രധാന സമുദ്ര പാതകളുടെ സുരക്ഷയും ഉറപ്പാക്കുന്നതിനും സഹായിക്കുന്ന രീതിയില്‍ സംയമനം പാലിക്കുകയും നയതന്ത്ര പരിഹാരങ്ങള്‍ക്ക് മുന്‍ഗണന നല്‍കുകയും ചെയ്യേണ്ടതിന്റെ പ്രാധാന്യം ഇരുപക്ഷവും ഊന്നിപ്പറഞ്ഞു.
