ന്യൂയോര്‍ക്ക്: ഫലസ്തീന്‍ പ്രശ്നത്തിന്റെ സമാധാനപരമായ പരിഹാരത്തിനും ദ്വിരാഷ്ട്ര പരിഹാരം നടപ്പിലാക്കുന്നതിനുമുള്ള ഉന്നതതല അന്താരാഷ്ട്ര സമ്മേളനത്തില്‍ അമീര്‍ ശൈഖ് തമീം ബിന്‍ ഹമദ് അല്‍ താനി പങ്കെടുത്തു. ന്യൂയോര്‍ക്കിലെ യു എന്‍ ആസ്ഥാനത്ത് ഐക്യരാഷ്ട്രസഭയുടെ 80-ാമത് സമ്മേളനത്തോടനുബന്ധിച്ചാണ് ഉന്നതതല സമ്മേളനം നടന്നത്.
സമ്മേളനത്തില്‍ നിരവധി രാഷ്ട്രത്തലവന്മാര്‍, സര്‍ക്കാരുകളുടെ തലവന്മാര്‍, പ്രതിനിധികള്‍, ഗവണ്‍മെന്റ്, സര്‍ക്കാരിതര സംഘടനകളുടെ പ്രതിനിധികള്‍ തുടങ്ങിയവര്‍ പങ്കെടുത്തു.
സമ്മേളനത്തില്‍ ഖത്തര്‍ പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന്‍ അബ്ദുല്‍ റഹ്മാന്‍ ബിന്‍ ജാസിം അല്‍-താനി, അമീറിനൊപ്പമുള്ള ഔദ്യോഗിക പ്രതിനിധി സംഘത്തിലെ നിരവധി അംഗങ്ങള്‍ എന്നിവരും പങ്കെടുത്തു.
