ദോഹ: ഖത്തര് അമീര് ശൈഖ് തമീം ബിന് ഹമദ് അല്താനി, അന്തരിച്ച പിതൃ അമീര് ശൈഖ് ഹമദ് ബിന് ഖലീഫ അല്താനിയുടെ മയ്യിത്ത് നമസ്കാരത്തില് പങ്കെടുത്തു. ദോഹയിലെ ഇമാം മുഹമ്മദ് ബിന് അബ്ദുല് വഹാബ് മസ്ജിദില് മഗ്രിബ് നമസ്കാരത്തിന് ശേഷമാണ് മയ്യിത്ത് നമസ്കാരം നടന്നത്.
ഖത്തര് ഉപഅമീര് ശൈഖ് അബ്ദുല്ല ബിന് ഹമദ് അല്താനി, ശൈഖ് ഖാലിദ് ബിന് ഹമദ് അല്താനി, അമീറിന്റെ വ്യക്തിഗത പ്രതിനിധി ശൈഖ് ജാസിം ബിന് ഹമദ് അല്താനി, ശൈഖ് അബ്ദുല് അസീസ് ബിന് ഖലീഫ അല്താനി, ശൈഖ് അബ്ദുല്ല ബിന് ഖലീഫ അല്താനി, ശൈഖ് മുഹമ്മദ് ബിന് ഖലീഫ അല്താനി, ശൈഖ് ജാസിം ബിന് ഖലീഫ അല്താനി, പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുറഹ്മാന് ബിന് ജാസിം അല്താനി, ശൂറാ കൗണ്സില് സ്പീക്കര് ഹസന് ബിന് അബ്ദുല്ല അല് ഗാനിം, പരേതനായ പിതൃ അമീറിന്റെ പുത്രന്മാര്, ഭരണകുടുംബാംഗങ്ങള്, മന്ത്രിമാര്, ഉന്നത ഉദ്യോഗസ്ഥര്, വിവിധ രാജ്യങ്ങളുടെ നയതന്ത്ര പ്രതിനിധികള്, കൂടാതെ വന്ജനാവലിയും മയ്യിത്ത് നമസ്കാരത്തില് പങ്കെടുത്തു.
