ദോഹ: അമീര് ശൈഖ് തമീം ബിന് ഹമദ് അല്താനി ലുസൈല് പ്രാര്ഥനാ മൈതാനത്ത് ഈദുല് ഫിത്വര് നമസ്കാരം നിര്വഹിച്ചു.
അമീറിന്റെ വ്യക്തിപരമായ പ്രതിനിധിയായ ശൈഖ് ജാസിം ബിന് ഹമദ് അല്താനി, ശൈഖ് അബ്ദുല്ല ബിന് ഖലീഫ അല്താനി, ശൈഖ് മുഹമ്മദ് ബിന് ഖലീഫ അല്താനി, ശൈഖ് ജാസിം ബിന് ഖലീഫ അല്താനി, പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുറഹ്മാന് ബിന് ജാസിം അല്താനി, ശൂറാ കൗണ്സില് സ്പീക്കര് ഹസ്സന് ബിന് അബ്ദുല്ല അല് ഘാനിം, കൂടാതെ നിരവധി ശൈഖുമാരും മന്ത്രിമാരും, ഷൂറാ കൗണ്സില് അംഗങ്ങളും, രാജ്യത്തെ വിവിധ രാജ്യങ്ങളുടെ അംബാസഡര്മാരും നയതന്ത്ര ദൗത്യ മേധാവികളും ഈ നമസ്കാരത്തില് പങ്കെടുത്തു.
ശൈഖ് ഡോ. യഹ്യ ബുട്ടി അല് നുഐമി ഈദ് ഖുത്ബ നിര്വഹിച്ചു. ഖുത്ബയില് തക്ബീറിന്റെ അര്ഥത്തെക്കുറിച്ചും അല്ലാഹുവിന്റെ മഹത്വത്തെക്കുറിച്ചും അദ്ദേഹം വിശദീകരിച്ചു. സര്വ്വാധികാരവും സകല കാര്യങ്ങളിലും നിയന്ത്രണവും കൈവശം വഹിക്കുന്ന ശക്തനായ രാജാവാണ് അല്ലാഹുവെന്നും അവന് എല്ലാറ്റിനും ശേഷിയുള്ളവനാണെന്നും അദ്ദേഹം പറഞ്ഞു.
ഇത്തവണത്തെ ഈദുല് ഫിത്വര് പ്രദേശത്തെ പ്രത്യേക സാഹചര്യങ്ങള്ക്കിടയിലാണെന്ന് അദ്ദേഹം ചൂണ്ടിക്കാട്ടി. രാജ്യത്തിന്റെ സുരക്ഷയും വിഭവങ്ങളും സംരക്ഷിക്കാന് സുരക്ഷാ ഏജന്സികള് നടത്തിയ ആത്മാര്ഥമായ ശ്രമങ്ങളെ അദ്ദേഹം പ്രശംസിക്കുകയും ചെയ്തു. രാജ്യത്തെയും അമീറിനെയും ജനങ്ങളെയും എല്ലാ മുസ്ലിം രാജ്യങ്ങളെയും ദോഷങ്ങളില് നിന്ന് കാക്കണമെന്നു ദൈവത്തോടു പ്രാര്ഥിക്കുകയും ആക്രമികളുടെ ഗൂഢാലോചനകള് തുരത്തണമെന്നു അപേക്ഷിക്കുകയും ചെയ്തു.
കഷ്ടതകള്ക്കു ശേഷം സൗകര്യം വരുന്നതും ദുരിതത്തിന് പിന്നാലെ ആശ്വാസം എത്തുന്നതുമെന്നു അദ്ദേഹം ഉറപ്പു പ്രകടിപ്പിച്ചു.
