ജനീവ: ലെബനന്‍ സിവില്‍ ഡിഫന്‍സ് സെന്ററില്‍ ഇസ്രായേല്‍ നടത്തിയ ആക്രമണത്തെ ലോകാരോഗ്യ സംഘടന മേധാവി ടെഡ്രോസ് അദാനോം ഗെബ്രിയേസസ് അപലപിച്ചു. ഇസ്രായേല്‍ ആക്രമണത്തില്‍ കുറഞ്ഞത് 12 പാരാമെഡിക്കല്‍ ജീവനക്കാരെങ്കിലും കൊല്ലപ്പെട്ടിരുന്നു.
ഇത്തരം ആക്രമണങ്ങള്‍ പുതിയ സാധാരണ സംഭവമായി മാറുകയാണെന്ന് ലോകാരോഗ്യ സംഘടന മേധാവി കുറ്റപ്പെടുത്തി. കഴിഞ്ഞ 24 മണിക്കൂര്‍ റിപ്പോര്‍ട്ടിംഗ് കാലയളവില്‍ ഇസ്രായേലി ആക്രമണങ്ങളില്‍ 59 പേര്‍ കൊല്ലപ്പെടുകയും 182 പേര്‍ക്ക് പരിക്കേല്‍ക്കുകയും ചെയ്തതായി ലെബനന്‍ ആരോഗ്യ മന്ത്രാലയം അറിയിച്ചു.
കഴിഞ്ഞ ദിവസം 28 ഫലസ്തീനികള്‍ കൊല്ലപ്പെടുകയും 120 പേര്‍ക്ക് പരിക്കേല്‍ക്കുകയും ചെയ്തതായി പ്രദേശത്തെ ആരോഗ്യ മന്ത്രാലയം റിപ്പോര്‍ട്ട് ചെയ്തു. വടക്കന്‍ ഗാസയില്‍ ഇസ്രായേലിന്റെ ഉപരോധം തുടരുകയാണ്.
ഗാസയിലെ ഇസ്രായേല്‍ വംശഹത്യയില്‍ 2023 ഒക്ടോബര്‍ 7 മുതല്‍ കുറഞ്ഞത് 43,764 ഫലസ്തീനികള്‍ കൊല്ലപ്പെടുകയും 103,490 പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്.
ഗാസയ്ക്കെതിരായ യുദ്ധം ആരംഭിച്ചതിനുശേഷം ലെബനനില്‍ ഇസ്രായേല്‍ ആക്രമണങ്ങളില്‍ കുറഞ്ഞത് 3,445 പേര്‍ കൊല്ലപ്പെടുകയും 14,599 പേര്‍ക്ക് പരിക്കേല്‍ക്കുകയും ചെയ്തു.
