ദോഹ: ഖത്തറില് തൃശ്ശൂര് ജില്ലാ പ്രവാസി മരണപ്പെട്ടു. തൃശ്ശൂര് കണ്ണോത്ത് വെങ്കിടങ്ങിനടുത്ത് പടിക്കപറമ്പില് കനകന് (54) ആണ് മരിച്ചത്. ഇന്ഡസ്ട്രിയല് ഏരിയയില് ഡി എസ് പി കമ്പനിയില് സ്റ്റീല് വര്ക്ക് ടെക്നീഷ്യനായി ജോലി ചെയ്തു വരികയായിരുന്നു.
പത്തുവര്ഷത്തോളമായി ഖത്തര് പ്രവാസിയായിരുന്നു. ഭാര്യ: ഷൈനി. മക്കള്: അഭിജിത്ത്, അക്ഷയ, ആതിര, അഭിരാമി. നടപടിക്രമങ്ങള് പൂര്ത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര് അറിയിച്ചു.
