ദോഹ: ഖത്തര്‍ സെന്‍ട്രല്‍ ബാങ്ക് (ക്യു സി ബി) രാജ്യത്തെ അഞ്ചാമത്തെ സീരീസ് ബാങ്ക് നോട്ടുകളിലെ ഒരു റിയാലില്‍ മാറ്റങ്ങള്‍ പ്രഖ്യാപിച്ചു.
പുതിയ പതിപ്പില്‍ ഔദ്യോഗിക ചിഹ്നം, അറബിക് അക്കങ്ങള്‍, ഇഷ്യൂ തിയ്യതി എന്നിവയിലെ മാറ്റങ്ങള്‍ ഉള്‍പ്പെടുത്തും.
രാജ്യത്ത് നിലവിലുള്ള നിയമങ്ങള്‍ക്ക് അനുസൃതമായി ഈ മാറ്റം നടപ്പിലാക്കിയതായി ക്യു സി ബി പ്രസ്താവിച്ചു.
ഖത്തര്‍ റിയാലിന്റെ (അഞ്ചാമത്തെ സീരീസ്) മുന്‍ പതിപ്പ് പ്രചാരത്തില്‍ തുടരുമെന്നും ഈ മാറ്റം പിന്നീട് മറ്റ് കറന്‍സി വിഭാഗങ്ങള്‍ക്കും ബാധകമാകുമെന്നും സ്ഥിരീകരിച്ചു.
