ദോഹ: ഗാസ മുനമ്പിലേക്കുള്ള മാനുഷിക സഹായ വിതരണം തടയാനുള്ള ഇസ്രായേല് അധിനിവേശ സര്ക്കാരിന്റെ തീരുമാനത്തെ ഖത്തര് ശക്തമായി അപലപിച്ചു. ഇത് വെടിനിര്ത്തല് കരാര്, അന്താരാഷ്ട്ര മാനുഷിക നിയമം, നാലാം ജനീവ കണ്വെന്ഷന്, എല്ലാ മത നിയമങ്ങള് എന്നിവയുടെയും നഗ്നമായ ലംഘനമാണെന്ന് ഖത്തര് ചൂണ്ടിക്കാട്ടി.
യുദ്ധത്തിനും പട്ടിണി കിടക്കുന്ന സാധാരണക്കാര്ക്കുമെതിരെ ഭക്ഷണം ആയുധമായി ഉപയോഗിക്കുന്നത് ഖത്തര് വ്യക്തമായി നിരാകരിക്കുന്നുവെന്ന് വിദേശകാര്യ മന്ത്രാലയം പ്രസ്താവനയില് ഊന്നിപ്പറഞ്ഞു. ഗാസ മുനമ്പിലെ എല്ലാ മേഖലകളിലേക്കും മാനുഷിക സഹായത്തിന്റെ സുരക്ഷിതവും സുസ്ഥിരവും തടസ്സമില്ലാത്തതുമായ പ്രവേശനം ഉറപ്പാക്കാന് ഇസ്രായേലിനെ നിര്ബന്ധിക്കാന് മന്ത്രാലയം അന്താരാഷ്ട്ര സമൂഹത്തോട് ആവശ്യപ്പെട്ടു.
1967ലെ അതിര്ത്തികളില് കിഴക്കന് ജറുസലേം തലസ്ഥാനമായി സ്വതന്ത്ര രാഷ്ട്രം സ്ഥാപിക്കുന്നത് ഉള്പ്പെടെ ന്യായമായ ലക്ഷ്യത്തിലും ഫലസ്തീന് ജനതയുടെ നിയമാനുസൃത അവകാശങ്ങളിലും ഖത്തറിന്റെ ഉറച്ച നിലപാട് മന്ത്രാലയം ആവര്ത്തിച്ചു.
