ദോഹ: ഖത്തറില്‍ ചാറ്റല്‍ മഴയും ശക്തമായ കാറ്റും മേഘാവൃതമായ കാലാവസ്ഥും തുടരുകയാണെന്ന് ഖത്തര്‍ കാലാവസ്ഥാ വകുപ്പ് പുതിയ അപ്ഡേറ്റില്‍ അറിയിച്ചു.
രാജ്യത്തിന്റെ വടക്ക് ഭാഗങ്ങളില്‍ 20 നോട്ട് കവിയുന്ന ശക്തമായ കാറ്റടിക്കുകയും മൊത്തം 45 മില്ലീമീറ്റര്‍ മഴ പെയ്യുകയും ചെയ്തു.
രാജ്യത്തിന്റെ തെക്കന്‍ ഭാഗത്ത് മൂന്ന് കിലോമീറ്ററില്‍ താഴെ വരെ തിരശ്ചീന ദൃശ്യപരതയോടെ ശക്തമായ കാറ്റ് അനുഭവപ്പെട്ടതായും റിപ്പോര്‍ട്ടുണ്ട്. ചില സമയങ്ങളില്‍ ഇടിമിന്നലുണ്ടായേക്കാവുന്ന ചാറ്റല്‍ മഴയോടൊപ്പം രാജ്യത്തിന് മുകളില്‍ മേഘങ്ങളുടെ രൂപങ്ങള്‍ വര്‍ധിക്കുന്നതായി കാണിക്കുന്ന ഉപഗ്രഹ ചിത്രവും കാലാവസ്ഥ വകുപ്പ് പുറത്തുവിട്ടു.
പ്രവചനാതീതമായ കാലാവസ്ഥയിലൂടെ രാജ്യം മുമ്പോട്ടു പോകുന്നതിനാല്‍ താമസക്കാരും സന്ദര്‍ശകരും ജാഗ്രത പാലിക്കാനും പ്രാദേശിക അധികാരികള്‍ പുറപ്പെടുവിക്കുന്ന മാര്‍ഗ്ഗനിര്‍ദ്ദേശങ്ങള്‍ പാലിക്കാനും നിര്‍ദ്ദേശിച്ചു.
