കോഴിക്കോട്: ലോകോത്തര ഷോപ്പിങ്ങിന്റെ നവ്യാനുഭവം മലബാറിന് സമ്മാനിച്ച് കോഴിക്കോട് ലുലു മാള് ജനങ്ങള്ക്കായി തുറക്കുന്നു. മാവൂര് റോഡിന് സമീപം മാങ്കാവില് മൂന്നര ലക്ഷം സ്ക്വയര്ഫീറ്റിലാണ് ലുലു മാള് ഒരുങ്ങിയിരിക്കുന്നത്. മൂന്ന് നിലകളിലായി അത്യാധുനിക സൗകര്യങ്ങളോടെയുള്ള മാള് അന്താരാഷ്ട്ര ഷോപ്പിങ്ങ് അനുഭവമാണ് നല്കുക.
തിങ്കളാഴ്ച രാവിലെ 11 മണി മുതല് ഷോപ്പിങ്ങിനായി മാള് തുറക്കും. ഉദ്ഘാടനത്തോട് അനുബന്ധിച്ച് പ്രത്യേക ഓഫറുകളും ഒരുക്കിയിട്ടുണ്ട്.
ലുലു ഹൈപ്പര്മാര്ക്കറ്റ്, ലുലു ഫാഷന് സ്റ്റോര്, ലുലു കണക്ട് എന്നിവയ്ക്ക് പുറമേ വടക്കന് കേരളത്തിലെ ഏറ്റവും മികച്ച ഇന്ഡോര് ഗെയിമിങ്ങ് കേന്ദ്രമായ ഫണ്ടൂറയും ലുലുവില് സജ്ജമാണ്. ഒന്നര ലക്ഷം സ്ക്വയര് ഫീറ്റിലുള്ള ലുലു ഹൈപ്പര്മാര്ക്കറ്റ്, ലോകത്തെ വിവിധിയിടങ്ങളില് നിന്നുള്ള മികച്ച ഉത്പന്നങ്ങള് ഒരു കുടക്കീഴില് അണിനിരത്തുകയാണ്.
മുന്നിര ബ്രാന്ഡഡ് ഉത്പന്നങ്ങള് മുതല് മലബാറിലെ കാര്ഷിക മേഖലയില് നിന്നുള്ള പഴം, പച്ചക്കറി, പാല് ഉത്പന്നങ്ങള് വരെ ഹൈപ്പര്മാര്ക്കറ്റില് ലഭ്യമാകും. ലോകത്തെ വിവിധകോണുകളില് നിന്നുമുള്ള വ്യത്യസ്ഥമായ ഉത്പന്നങ്ങള് മിതമായ നിരക്കിലാണ് ഉറപ്പാക്കുന്നത്. പലവഞ്ജനങ്ങള്, മത്സ്യം ഇറച്ചി എന്നിവയ്ക്കായി പ്രത്യേകം കൗണ്ടറുകളുണ്ട്.
ഹോട്ട് ഫുഡ്- ബേക്കറി വിഭവങ്ങളുടെ വിപുലമായ ശ്രേണിയും ഒരുക്കിയിട്ടുണ്ട്. കൂടാതെ, വിട്ടുപകരണങ്ങളുടെയും ഡിജിറ്റല് ഇലക്ട്രോണിക്സ് ഉത്പന്നങ്ങളുടെയും ശേഖരവുമായി ലുലു കണക്ടും ആകര്ഷകമായ ഫാഷന് ശേഖരവുമായി ലുലു ഫാഷന് സ്റ്റോറും പുതുമയാര്ന്ന ഷോപ്പിങ്ങ് സമ്മാനിക്കും. ഇതിന് പുറമെ, ഗെയിമിങ്ങ് സെക്ഷനായ ലുലു ഫണ്ടൂറ കുട്ടികളുടെ പ്രിയപ്പെട്ട ഇടമാകും. പതിനായിരം സ്ക്വയര് ഫീറ്റില് അത്യാധുനിക സൗകര്യങ്ങളോടെയുള്ള ‘ഫണ്ടൂറ’ വടക്കന് കേരളത്തിലെ ഏറ്റവും മികച്ച ഇന്ഡോര് ഗെയിമിങ് സോണാണ്.
വിപുലമായ ഫുഡ് കോര്ട്ടാണ് മറ്റൊരു പ്രത്യേകത. 500ല് അധികം പേര്ക്ക് ഒരേസമയം ഭക്ഷണം കഴിക്കാനാകുന്ന സൗകര്യത്തിലാണ് ഫുഡ് കോര്ട്ട്. കെ എഫ് സി, ചിക്കിങ്ങ്, പിസ ഹട്ട്, ബാസ്കിന് റോബിന്സ്, ഫ്ളെയിം ആന് ഗോ, സ്റ്റാര്ബക്സ് തുടങ്ങി പതിനാറിലേറെ ബ്രാന്ഡുകളുടെ ഔട്ട്ലെറ്റുകളാണ് സജ്ജീകരിച്ചിരിക്കുന്നത്. ടിസോട്ട്, സ്കെച്ചേര്സ്, സ്വാ ഡയമണ്ട്സ്, സീലിയോ, ലെവിസ്, യു എസ് പോളോ, എല് പി, അലന് സോളി, പോഷെ സലൂണ്, ലെന്സ് ആന്ഡ് ഫ്രെയിംസ് ഉള്പ്പടെ അമ്പതോളം അന്താരാഷ്ട്ര ബ്രാന്ഡുകളുടെ സ്റ്റോറുകളുമുണ്ട്. 1800 വാഹനങ്ങള് സുഗമമായി പാര്ക്ക് ചെയ്യാനുള്ള സൗകര്യവുമുണ്ട്.
