ദോഹ: ഖത്തറിലെ താമസസ്ഥലത്തുണ്ടായ വാഹനാപകടത്തില് അഞ്ച് വയസുകാരനായ മലയാളി ബാലന് മരിച്ചു. കൊല്ലം ശൂരനാട് സ്വദേശി രഞ്ജു കൃഷ്ണന് രാധാകൃഷ്ണ പിളളയുടെയും അനൂജ പരിമളത്തിന്റെയും മകന് അദിത് രഞ്ജു കൃഷ്ണന് പിള്ളയാണ് മരിച്ചത്.
വക്രയിലെ ബര്വാ മദീനത്തിലാണ് കുടുംബം താമസിക്കുന്നത്. താമസസ്ഥലത്തിന് എതിര്വശത്തുള്ള പാര്ക്കില് കളി കഴിഞ്ഞ് തിരികെ വീട്ടിലേക്ക് വരുന്നതിനിടെ വാഹനം ഇടിക്കുകയായിരുന്നു.
പോഡാര് സ്കൂള് വിദ്യാര്ഥിയാണ്. കുട്ടിയുടെ അച്ഛന് രഞ്ജു കൃഷ്ണന് ഐ ടി മേഖലയിലും അമ്മ മെറ്റിറ്റോയിലുമാണ് ജോലി ചെയ്യുന്നത്. സഹോദരന്: ആര്യന് (മൂന്നാം ക്ലാസ്).
നടപടി ക്രമങ്ങള് പൂര്ത്തിയാക്കി മൃതദേഹം ഇന്ന് വൈകിട്ട് 7.10ന് തിരുവനന്തപുറത്തേക്കുള്ള ഖത്തര് എയര്വെയ്സില് കൊണ്ടുപോകുമെന്ന് കെ എം സി സി ഖത്തര് അല് ഇഹ്സാന് മയ്യിത്ത് പരിപാലന കമ്മിറ്റി അറിയിച്ചു.
