ദോഹ: ലെബനന് പാര്ലമെന്റ് ലെബനന് ആര്മി കമാന്ഡറായ ജനറല് ജോസഫ് ഔണിനെ ലെബനന് റിപ്പബ്ലിക്കിന്റെ പുതിയ പ്രസിഡന്റായി തെരഞ്ഞെടുത്തത് ഖത്തര് സ്വാഗതം ചെയ്തു.
പുതിയ ലെബനന് പ്രസിഡന്റിന് തന്റെ ചുമതലകളില് വിജയിക്കാനും രണ്ട് സഹോദര രാജ്യങ്ങള് തമ്മിലുള്ള ബന്ധത്തില് കൂടുതല് വികസനത്തിനും വളര്ച്ചയ്ക്കും ഖത്തറിന്റെ ആശംസകള് വിദേശകാര്യ മന്ത്രാലയം പ്രസ്താവനയില് അറിയിച്ചു.
പ്രസിഡന്റ് പദവി നികത്തുന്നത് ലെബനനില് സുരക്ഷയും സ്ഥിരതയും സ്ഥാപിക്കുന്നതിനും ജനങ്ങളുടെ പുരോഗതി, വികസനം, സമൃദ്ധി എന്നിവയ്ക്കുള്ള അഭിലാഷങ്ങള് നേടിയെടുക്കുന്നതിനും കാരണമാകുമെന്ന ഖത്തറിന്റെ പ്രത്യാശയും മന്ത്രാലയം പ്രകടിപ്പിച്ചു.
ലെബനന് ജനതയ്ക്കുള്ള അചഞ്ചലമായ പിന്തുണ ഖത്തര് തുടരുമെന്നും ലെബനന് റിപ്പബ്ലിക്കിന്റെ ഐക്യം, പരമാധികാരം, സുരക്ഷ, സ്ഥിരത എന്നിവയെ പിന്തുണച്ചുകൊണ്ട് നിലപാട് പുതുക്കുമെന്നും മന്ത്രാലയം ആവര്ത്തിച്ചു.
