ദോഹ: ദോഹ ഫോറം 2024ന്റെ ഭാഗമായി അമീര് ശൈഖ് തമീം ബിന് ഹമദ് അല് താനി ഈജിപ്ത്, റഷ്യ എന്നിവിടങ്ങളില് നിന്നുമുള്ള നിരവധി പ്രതിനിധികളുമായും കസാക്കിസ്ഥാന് പ്രസിഡന്റുമായും കൂടിക്കാഴ്ച നടത്തി.
ഈജിപ്ത് പ്രസിഡന്റ് അബ്ദല് ഫത്താഹ് എല്-സിസി ഉഭയകക്ഷി ബന്ധങ്ങളെക്കുറിച്ചും അവയെ പിന്തുണയ്ക്കാനും വികസിപ്പിക്കാനുമുള്ള വഴികള് സംബന്ധിച്ചും അമീറിന് സന്ദേശം ലഭിച്ചു. ഷെറാട്ടണ് ദോഹ ഹോട്ടലില് അമീറുമായുള്ള കൂടിക്കാഴ്ചയ്ക്കിടെ ഈജിപ്ത പ്രധാനമന്ത്രി മൊസ്തഫ മദ്ബൗലിയാണ് സന്ദേശം കൈമാറിയത്. ഫോറത്തിന്റെ അജണ്ടയിലെ പ്രധാന വിഷയങ്ങളെക്കുറിച്ചും ചര്ച്ച ചെയ്തു.
കസാക്കിസ്ഥാന് പ്രസിഡന്റ് കാസിം ജോമാര്ട്ട് ടോകയേവിനെ അമീര് സ്വീകരിച്ചു. ഉഭയകക്ഷി ബന്ധങ്ങളും അവ മെച്ചപ്പെടുത്തുന്നതിനും വികസിപ്പിക്കുന്നതിനുമുള്ള വഴികള് ചര്ച്ച ചെയ്തു. കൂടാതെ ഏറ്റവും പുതിയ പ്രാദേശിക, അന്തര്ദേശീയ സംഭവവികാസങ്ങളെക്കുറിച്ചും ഏറ്റവും പ്രധാനപ്പെട്ട വിഷയങ്ങളെക്കുറിച്ചും കാഴ്ചപ്പാടുകള് കൈമാറി.
അമീരി ദിവാന് മേധാവി അബ്ദുല്ല ബിന് മുഹമ്മദ് അല് ഖുലൈഫി, വിദേശകാര്യ സഹമന്ത്രി സുല്ത്താന് ബിന് സാദ് അല് മുറൈഖി, മുതിര്ന്ന ഉദ്യോഗസ്ഥര് എന്നിവര് യോഗത്തില് പങ്കെടുത്തു.
കസാഖ് ഭാഗത്ത് നിന്ന് റിപ്പബ്ലിക്കിന്റെ വിദേശകാര്യ പ്രസിഡന്റിന്റെ അസിസ്റ്റന്റ് എര്സാന് കാസിഖാന്, ഡിജിറ്റല് വികസന മന്ത്രി ഷാസ്ലാന് മദിയേവ് കൂടാതെ നിരവധി മുതിര്ന്ന ഉദ്യോഗസ്ഥരും പങ്കെടുത്തു.
ദോഹ ഫോറത്തോടനുബന്ധിച്ച് സൗഹൃദ റഷ്യന് ഫെഡറേഷന്റെ വിദേശകാര്യ മന്ത്രി സെര്ജി ലാവ്റോവിനെയും അമീര് സ്വീകരിച്ചു.
കൂടിക്കാഴ്ചയില് ഇരു രാജ്യങ്ങളും തമ്മിലുള്ള ഉഭയകക്ഷി ബന്ധങ്ങളെക്കുറിച്ചും അവ മെച്ചപ്പെടുത്തുന്നതിനും വികസിപ്പിക്കുന്നതിനുമുള്ള വഴികളെക്കുറിച്ചും അവര് ചര്ച്ച ചെയ്തു. കൂടാതെ സംയുക്ത താത്പര്യമുള്ള നിരവധി വിഷയങ്ങളും ഫോറത്തിന്റെ അജണ്ടയിലെ ഏറ്റവും പ്രധാനപ്പെട്ട വിഷയങ്ങളും ചര്ച്ച ചെയ്തു.
