ദോഹ: സിറിയന് സര്ക്കാര്യും സിറിയന് ഡെമോക്രാറ്റിക് ഫോഴ്സസും (എസ് ഡി എഫ്) തമ്മിലുണ്ടാക്കിയ വെടിനിര്ത്തല് കരാറിനെയും പൂര്ണ്ണ ഏകീകരണത്തെയും ഖത്തര് സ്വാഗതം ചെയ്തു. സിവില് സമാധാനം ശക്തിപ്പെടുത്തുന്നതിനും സുരക്ഷയും സ്ഥിരതയും വര്ധിപ്പിക്കുന്നതിനും സ്ഥാപനങ്ങളുടെയും നിയമത്തിന്റെ ആധാരത്തിലുള്ള രാഷ്ട്രം നിര്മ്മിക്കുന്നതിനുമുള്ള സുപ്രധാന നടപടിയാണിതെന്ന് ഖത്തര് വിലയിരുത്തി.
ഈ സാഹചര്യത്തില്, കരാര് സാധ്യമാക്കുന്നതില് നിര്ണായകമായി സംഭാവന നല്കിയ അമേരിക്കന് ഐക്യനാടുകളുടെ ഫലപ്രദമായ ശ്രമങ്ങളെ ഖത്തര് പ്രശംസിച്ചു.
ാജ്യത്തിന്റെ പരമാധികാരം, സ്വാതന്ത്ര്യം, ഭൗമപരമായ അഖണ്ഡത എന്നിവ സംരക്ഷിക്കപ്പെടുമെന്ന് ഖത്തര് വിദേശകാര്യ മന്ത്രാലയം പ്രസ്താവനയില് പ്രത്യാശ പ്രകടിപ്പിച്ചു. സിറിയയുടെ പരമാധികാരത്തിനും ഐക്യത്തിനും ഖത്തര് നല്കുന്ന പൂര്ണ്ണ പിന്തുണയും സ്വാതന്ത്ര്യം, വികസനം, സമൃദ്ധി എന്നിവയ്ക്കായുള്ള സിറിയന് ജനതയുടെ ആഗ്രഹങ്ങളോടുള്ള ഐക്യദാര്ഢ്യവും മന്ത്രാലയം വീണ്ടും ആവര്ത്തിച്ചു.
