ദോഹ: ഒമാന്‍ സുല്‍ത്താനേറ്റിന്റെ മധ്യസ്ഥതയില്‍ മസ്‌കറ്റില്‍ അമേരിക്കയും ഇറാനും തമ്മില്‍ നടന്ന ചര്‍ച്ചകളെ ഖത്തര്‍ സ്വാഗതം ചെയ്തു. ചര്‍ച്ചകളുടെ പോസിറ്റീവ് അന്തരീക്ഷത്തെയും ഇരു കക്ഷികളും നടത്തിയ പ്രസ്താവനകളെയും ഈ സാഹചര്യത്തില്‍ ഒമാന്‍ വഹിച്ച ക്രിയാത്മക പങ്കിനെയും ഖത്തര്‍ അഭിനന്ദിച്ചു.
മേഖലാ, അന്തര്‍ദേശീയ തലങ്ങളില്‍ സുരക്ഷ, സ്ഥിരത, സമാധാനം, വികസനം എന്നിവ വളര്‍ത്തിയെടുക്കേണ്ടതിന്റെ പ്രാധാന്യത്തിലുള്ള ഉറച്ച വിശ്വാസത്തിന്റെ ചട്ടക്കൂടിനുള്ളില്‍, യു എസും ഇറാനും തമ്മിലുള്ള എല്ലാ നിലനില്‍ക്കുന്ന പ്രശ്നങ്ങളും പരിഹരിക്കുന്നതിനുള്ള നയതന്ത്രത്തിനും സംഭാഷണത്തിനും ഖത്തര്‍ പൂര്‍ണ്ണ പിന്തുണ നല്‍കുമെന്ന് വിദേശകാര്യ മന്ത്രാലയം പ്രസ്താവനയില്‍ സ്ഥിരീകരിച്ചു.
