ദുബായ്: ഇറാന്റെ ആണവ കേന്ദ്രങ്ങള്‍ക്ക് നേരെ ആക്രമണം നടത്തിയാല്‍ മേഖലയിലുടനീളമുള്ള രാജ്യങ്ങളെ വെള്ളമില്ലാതെയാക്കുമെന്ന് പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന്‍ അബ്ദുല്‍റഹ്മാന്‍ ബിന്‍ ജാസിം അല്‍താനി മുന്നറിയിപ്പ് നല്‍കി.
യു എസ് മാധ്യമ പ്രവര്‍ത്തകന്‍ ടക്കര്‍ കാള്‍സണുമായുള്ള അഭിമുഖത്തിലാണ് അദ്ദേഹം ഇക്കാര്യം പറഞ്ഞത്. കടല്‍ പൂര്‍ണ്ണമായും മലിനമാവുകയും ഖത്തറില്‍ മൂന്ന് ദിവസത്തിനുള്ളില്‍ വെള്ളം തീര്‍ന്നുപോകുമെന്നും അദ്ദേഹം പറഞ്ഞു. ഇക്കാര്യം പഠിച്ചതോടെയാണ് ജലസംഭരണികളുടെ ശേഷി വര്‍ദ്ധിപ്പിക്കാന്‍ ഖത്തര്‍ മുമ്പോട്ടു വന്നതെന്നും അദ്ദേഹം കൂട്ടിച്ചേര്‍ത്തു, പക്ഷേ മേഖലയിലെ എല്ലാവര്‍ക്കും അപകട സാധ്യതയാണ് ആണവ നിലയം ആക്രമിക്കുന്നതിലൂടെയുണ്ടാവുകയെന്നും അദ്ദേഹം പറഞ്ഞു.
‘വെള്ളമില്ല, മത്സ്യമില്ല, ഒന്നുമില്ല. ജീവനില്ല,’ ട്രംപ് ഇറാനെ ആണവ ചര്‍ച്ചകള്‍ക്ക് ക്ഷണിച്ചതായി പറഞ്ഞ അതേ ദിവസം പ്രസിദ്ധീകരിച്ച അഭിമുഖത്തില്‍ ശൈഖ് മുഹമ്മദ് കൂട്ടിച്ചേര്‍ത്തു.
സൈനിക നടപടിയെക്കുറിച്ച് സൂചിപ്പിച്ചുകൊണ്ട്, ‘ഒരു സമാധാന കരാര്‍ കാണുന്നതിനുപകരം’ താന്‍ ‘മറ്റൊരു കരാര്‍ കാണുമെന്ന്’ ട്രംപ് പറഞ്ഞു, പക്ഷേ ‘മറ്റൊരാള്‍ പ്രശ്‌നം പരിഹരിക്കും’.
ഖത്തറിന് ‘സൈനിക ആശങ്കകള്‍ മാത്രമല്ല, സുരക്ഷയും സുരക്ഷാ ആശങ്കകളും’ ഉണ്ടെന്നും പ്രധാനമന്ത്രി പറഞ്ഞു. ഇറാനെതിരായ സൈനിക നടപടിയെ ഖത്തര്‍ എതിര്‍ക്കുന്നുവെന്നും ‘യു എസും ഇറാനും തമ്മില്‍ നയതന്ത്ര പരിഹാരം കാണണമെന്നും ടെഹ്‌റാനില്‍ ഇടപെടാന്‍ തയ്യാറാണെന്നും അദ്ദേഹം വ്യക്തമാക്കി.
